TITAS 3:8 - Lai (Hakha) Common Language Bible 2006

⁸ Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

Laibaibal Thiang (BSI)

⁸ Hihi zumhawk a tlâkmi bia, nangmah zongnih na fehter lengmang awkah ka duh, Pathian a zum cangmi hna nih thilṭha tuah peng dingin ṭha tein ruat hna seh. Hi thil hna hi minung caah a ṭha i san a tlai.

TITAS 3:8 Խաչաձեւ Հղումներ

TITAS 3:14

Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 1:9

Cawnpiaknak ahmaanmi aa tlaih pengmi a si lai, cuticun a bia a ngaitu pawl kha cawnpiaknak ṭha in an lung a thawhter khawh hna lai i cawnpiaknak ṭha a altu pawl kha an palhnak a langhter khawh lai.

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

ROM 4:5

Sihmanhsehlaw rianṭuannak si loin zumhnak tu a ngeimi nih cun, Pathian nih a sualmi cu a sual lo ah a chiah hna tiah a zumh i cu a zumhnak cu Pathian nih amah he remternak caah a lakpiakmi cu a si.

JOHAN 12:44

Jesuh nih aw thangpi in, “Keimah a ka zummi paoh nih cun keimah lawng kha a ka zumh si loin keimah a ka thlahtu kha a zumh ve a si.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

JOB 22:2

“Minung hi Pathian caah san a tlai khomi an um hnga maw? A fimmi hmanh hi Pathian ca i san a tlaimi an um hnga maw?

FILEMON 1:11

Hlanah cun na caah santlaihnak zeihmanh a rak ngei taktak lo, sihmanhsehlaw atu cu nangmah ca he keimah ca he santlaimi a si cang.

SALM 78:22

zeicahtiah amah kha an i bochan duh lo i a kan khamh lai, tiah an zum duh lo.

PHUNGTHLÛKBIA 21:28

Tehte deu cu a rawk lai, Sihmanhsehlaw thil ṭha tein a ruat dildelmi pa bia cu cohlanpiak a si lai.

2 KORIN 4:13

Cathiang nih, “Ka zumh caah ka chim,” a ti. Cu bantuk zumhnak lungthin ṭhiamṭhiam cun, kannih zong nih kan zumh caah kan chim ve.

LAMKALTU 12:15

“Na molh,” tiah an rak ti, sihmanhsehlaw a si hrimhrim ko, tiah a ti peng hna tikah khan, “A vancungmi a si lai,” an ti.

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

MATTHAI 20:4

Annih cu, ‘Nannih zong ka dum ah rian va ṭuan u law a tawkzawn in kuli man cu kan pek hna lai,’ a ti hna i