TITAS 2:12 - Lai (Hakha) Common Language Bible 2006

¹² Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

Laibaibal Thiang (BSI)

¹² cu nih cun vawlei-lei duhnâk, Pathian-zeirellonâk hi hlawt in atu lio cân ah nunning thiam in felfai tele Pathian-ṭihzah in kan nun nâkhnga a kan cawnpiak.

TITAS 2:12 Խաչաձեւ Հղումներ

SALM 105:45

zeicahdah cuticun a tuah ti ahcun, ka mi nih ka nawl kha ngai hna seh law ka phunglam kha zul hna seh ti a duh caah a si. Bawipa cu thangṭhat ko u!

SALM 4:3

Bawipa nih amah ta si awkah a ka thim i ka auh tikah a ka theih ti kha philh hlah u.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

MATTHAI 12:32

Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LUKA 1:75

cucu kan nunchung vialte, amah hmaiah thianghlim le ding tein kan um nakhnga caah a si.

JOHAN 14:30

Hi vawlei uktupa hi a rat dengmang cang caah bia saupi kan ruah kho ti hna lo. Ka cungah nawl ngeihnak cu zeihmanh a ngei lo,

JOHAN 6:25

Mi nih khan rili khattelei ral i Jesuh cu an va hmuh tikah, “Saya, zeitik ah dah hika hi na phak?” tiah an ti.

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

LAMKALTU 24:25

Sihmanhsehlaw Paul nih ṭhatnak kong tehna, mah le mah i sumnak kong tehna, a ra lai dingmi Biaceihnak Ni kong tehna a vun chim tikah Feliks cu a thin a phang i, “Atu cu va kal ko rih; caan ka ngeih tikah kan auh ṭhan te lai,” tiah a ti.

ROM 12:2

Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a ṭhami thil le Pathian nih a lawmhmi thil le a tlingmi thil kha nan hngalh khawh lai, cucu Pathian duhmi an si.

ROM 6:12

Cucaah thih a hmangmi nan pum kha sualnak nih uk ti hlah seh law, pumsa duhnak kha in zulhter ti hna hlah seh.

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

GALATI 1:4

Atu chan, chan ṭhalo chung hin kannih cu luatter awkah, Pathian kan Pa duhnak zulh in, Khrih cu kan sualnak caah aa pe.

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

KOLOSE 1:22

Sihmanhsehlaw atu cu a Fapa, a pum le a titsa in a thihnak thawng khan Pathian nih a hawi ah aan ser cang hna i cu ti a tuah cu a hmaika ah thiangte le dotla le sualnak ngei loin luhter aan duh hna caah a si.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

1THESALON 4:9

Zumhnak lei i nan unau hna dawtnak kongah caṭial a herh ti lo. Zeicahtiah nanmah hrimhrim kha Pathian nih pakhat le pakhat nan i dawt awk a si tiah an cawnpiak hna i

1TIMOTE 4:12

Na kum a no ruangah ahohmanh nih in zawmhtaih hna hlah seh, sihmanhsehlaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tahchunh awk tlak va si tuah.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

1TIMOTE 6:9

Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

2TIMOTE 3:12

Khrih Jesuh he i pehtlai i Pathian nunning in nun a duhmi paoh cu hremnak an ing ko lai;

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

HEBRU 8:11

Ahohmanh nih an hawile kha cawnpiak a herh lai lo i ‘Bawipa kha hngal tuah,’ ti chimh zong a hau lai lo, A hme bik in a ngan bik tiang nih an ka hngalh ko lai.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

2 PETER 3:11

Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

1JOHAN 2:6

Pathian chungah kan um, a timi paoh nih cun Jesuh Khrih bantukin kan um awk a si.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.

JUDAS 1:18

An in chimhmi hna cu, “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha.

BIAPHUAN 14:12

Pathian mi hna, Pathian nawl a ngai i Jesuh cungah zumh awk tlak in khua a sami hna nih cun, hi zawn ah hin in khawhnak an ngeih awk a hau.