ṬAHNAK HLA 5:20 - Lai (Hakha) Common Language Bible 2006

^20-22 Na kan hlawt rumro a si lo i tah cawk loin kan cungah na thin a hun a si lo ahcun, Maw Bawipa, nangmah leiah kan hruai ṭhan ko, hlan lio kan sunparnak kha kan pe ṭhan ko.

ṬAHNAK HLA 5:20 Խաչաձեւ Հղումներ

SALM 44:24

Zeicahdah na kan thuhtak? Kan inmi temhnak le harnak kha philh hlah.

SALM 13:1

Zei can dah na ka philh lai, maw Bawipa? Na ka philh zungzal ko lai maw? Zei can dah na ka thuh tak rih lai?

SALM 89:46

Maw Bawipa, zei can dah naa thuh lai? Zungzal in maw naa thuh lai? Na thinhunnak cu mei bangin zei can dah a alh lai?

SALM 85:5

Kan cungah zungzal in maw na thin a hun ko lai? Na thin cu a dam bal lai lo maw?

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

SALM 74:1

Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

ISAIAH 62:6

Maw Jerusalem, na ralhau cungah ralvengtu ka chiah hna, chun nitlak zan khuadei an dai lai lo. Bawipa nih biakamnak ka tuakmi kha an ka theihter ṭhan lengmang lai i ka biakam cu philh hrimhrim loin an ka tuah lai.

SALM 13:2

Zei can dah fahnak hi ka in lai? Zei can dah ngaihchiatnak in ka lung hi chun he zan he a khah lai? Zei can dah ka ral hi ka cungah a lek in an i lek lai?

SALM 42:10

An ka nihsawhnak nih a ka hrilh cang, annih nih, ‘Khuazei ah dah na Pathian cu a um kun?’ tiah an ka ti chih lengmang,” ka ti.

ISAIAH 49:14

Sihmanhsehlaw Jerusalem khuami nih cun an i thawh i, “Bawipa nih a kan hlawt cang! A kan philh cang!” an ti.

JEREMIAH 14:9

Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw Bawipa, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.