ṬAHNAK HLA 4:5 - Lai (Hakha) Common Language Bible 2006

⁵ Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

ṬAHNAK HLA 4:5 Խաչաձեւ Հղումներ

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

LUKA 15:16

Vok nih an eimi bekawng hmanh kha ṭam lenning ti a duh, asinain ahohmanh nih ei awk zeihmanh an pe lo.

1TIMOTE 5:6

Asinain nuamhnak lei i aa pemi nuhmei cu a nung nain a thi cangmi a si.

LUKA 7:25

A si lai lo. Cucu a si ṭung lo ahcun zeidah zoh awkah nan chuahhnawh kun? Thilpuan ṭhaṭha aa hrukmi zoh awkah maw? A taktak ti ahcun cu bantukin aa thuam i nunnuam ngaingai in a ummi hna cu siangpahrang inn chungah pei an um tawn cu.

PHUNGTHLÛKBIA 31:21

Hawhra a tlak tikah a lungre a thei lo, Zeicahtiah a innchungkhar mi cu tling tein thil lum an ngei cio.

2 SAMUEL 1:24

Maw Israel fanu hna, Saul cu ṭah tuah u, Amah nih maimaw puan an aihter hna i lungvar le sui in an ṭamh hna.

JOB 24:8

Tlang cung ruah nih a surh hna i an cin dih, Dornak a um lo caah lungpi ah an i bek.

2 SIANGPAHRANG 18:27

Sihmanhsehlaw ralbawi ngan bik nih cun a thawh hna i, “Hi bia hi nan bawipa le nanmah lawng sin i chim awkah maw ka bawipa nih a ka thlah? Ralhau cung i a ṭhumi hna, anmah ek lila ei awkah le anmah zun lila din awkah nannih he hrawh awkah ruah cangmi hna kha ka chim ve hna hnga lo maw?” tiah a ti.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.