ṬAHNAK HLA 3:23 - Lai (Hakha) Common Language Bible 2006

²³ Zing fate in an thar lengmang, Zumhtlak a sinak cu a lianngan hringhran.

ṬAHNAK HLA 3:23 Խաչաձեւ Հղումներ

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

ISAIAH 33:2

Bawipa, kan zaangfah ko sawh. Kan i bochanmi cu nangmah na si. Ni khat hnu ni khat kan huppheng ko law harnak caan ah kan khamh tuah.

SALM 89:33

Sihmanhsehlaw David dawt kha cu ka ngol lai lo, bia ka kamhmi zong kha ka tlolh lai lo.

SALM 36:5

Bawipa, a fekmi na dawtnak cu van a tawng i zumhawktlak na sinak cu van a phan.

ZEFANIAH 3:5

Sihmanhsehlaw a chung i a ummi Bawipa cu a ding i ṭhat lonak kha zeihmanh a tuah lo; Zing fate in pel lo tein khuadei kate ah a biakhiahnak kha a langhter zungzal. Asinain miding lo hna nih cun ṭhat lonak kha an tuah lengmang ko i ningzah zong zeihmanh an hngal lo.

SALM 146:6

amah nih cun van le vawlei le rili le an chung i a ummi thil vialte kha a ser hna.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.