ṬAHNAK HLA 2:5 - Lai (Hakha) Common Language Bible 2006

⁵ Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

ṬAHNAK HLA 2:5 Խաչաձեւ Հղումներ

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

JEREMIAH 30:14

Nangmah a rak in dawtu vialte nih khan an in philh cang; Zeihmanh ah an in rel ti lo. Ral nih an in ṭhuat bantukin kan ṭhuat i Zaangfahnak ngei loin dan kan tat cang; Zeicahtiah na ṭhat lonak cu a ngan i Na sualnak cu a tam ngaingai.

ṬAHNAK HLA 2:4

Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JOB 13:24

Zeicahdah na hmai kha na thuh i kei cu na ral ah na ka rel?

SALM 89:40

A khua kulhnak cu na chimh dih hna i a ralhau cu rawk relrul in na kaltak hna.

ISAIAH 29:2

cun “Pathian biakṭheng” timi khua ah cun Pathian nih harnak a tlunter lai. Ṭahnak le aihramnak a um lai i a khua hrimhrim kha raithawinak an khanghnak biakṭheng ah a cang lai.

JEREMIAH 21:4

hihi Bawipa, Israel Pathian bia cu a si tiah Zedekiah cu va chim u: “Babilon siangpahrang le Khaldi mi hna, khua kulhnak hau lengin an kulhtu hna na dohnak nangmah hriamnam lila kha na cungah ka tlunter hna lai. Annih cu hi khuapi a laifang ah hin ka luhpi hna lai.

1 SAMUEL 28:16

Cun Samuel nih, “Bawipa nih hnulei an chit cang i na ral ah a can cang caah zeicahdah keimah cu na ka hal duh ti?

JOB 19:11

A thinlinhnak cu ka cungah a alh in a alh i, A ral ah a ka chiah.

SALM 89:41

Aa chawkmi paoh nih a thil kha an fir i a innpa pawl nih an nihsawh.

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.