ṬAHNAK HLA 2:11 - Lai (Hakha) Common Language Bible 2006

¹¹ Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 2:11 Խաչաձեւ Հղումներ

ṬAHNAK HLA 1:20

Maw Bawipa, zeitluk in dah ka lungre a theih hi run zoh tuah. Ka lung si a vang i Ka chungthin aa let dih, Nangmah kha zeihmanh ruat loin kan doh caah a si. Vainam nih khualak lam ah ngakṭah a ser hna i Rai nih inn chungah ngakṭah a ser hna.

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

JOB 16:13

A kam kip in a thal cu ka cungah ruah sur in an sur. Zaangfahnak ngei loin ka kal cu a hlai hna i ka hnit cu vawlei ah a thlet.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

ISAIAH 22:4

Cucaah cun diriam tein ka ṭah nakhnga, ka dawn hlah u. Ka mi hi zat riamruam an thih caah hin, hnemh ka zal hlah u.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 6:7

ka ṭah tuk caah ka mit an phing dih i khua hmanh ṭha tein ka hmu kho ti lo — hi ti i ka umnak cu ka ral hna ruangah a si.

LUKA 23:29

Zeicahtiah mi nih, ‘Fa a ngei bal lo i fa a hring bal lo i fa hnuk a din bal lomi nu hna cu an van a va ṭha dah,’ an ti caan a phan lai.

JEREMIAH 44:7

“Atu cu Bawipa, Ralkapbu Pathian, Israel Pathian nih hi bangin a ti: Zeicahdah nanmah lila cungah hi bantuk a nganmi rawhralnak hi nan i tlunter? Zeicahdah Judah mi nan cungah, pa si u, nu si u, ngakchia si u, bawhte si u law, a nungmi um lo tiangin, rawhnak nan i tlunter?

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

SALM 69:3

Ka bawm tuah tiin ka aunak ah ka baa cang i ka or zong a fak dih cang; bawmhnak a ka pe lai maw tiin ka mithram cat in kan zoh.

SALM 31:9

Harnak chung i ka um caah, Maw Pathian ka zaangfah ko; ka ṭah tuknak ah ka mit zong a phing dih i ka tha zong a dih cikcek cang.

1 SAMUEL 30:4

Khi tikah David le a sinah a ummi hna kha fak piin, ṭahnak thazang an ngeih ti lo tiangin an ṭap.

ISAIAH 38:14

Ka aw kha a lo riahmah i ṭhuro hrum in ka hrum. Van ka zoh ah ka mit re a thei. Bawipa, hi harnak vialte chung hin ka chuah ko.

JOB 30:27

Ka thin hi a vamh in aa vam i a dai ziar bal lo; Harnak ni hna cu keimah ton awkah an ra.

SALM 38:8

Ka tha a dih cikcek i ka ril ko, lungrethei le sivang in ka hram.

SALM 119:82

“Zeitik ah dah na ka bawmh lai?” ti lengmang in ka um i na ka kamhmi ka cuanhnak ah hin ka mithram a fak tuk cang.

ṬAHNAK HLA 5:17

Hi ruangah hin kan lungthin a zaw i Hi vialte ruangah hin kan mit kha a mui:

ISAIAH 51:20

Lam ṭeka kip ah na mi hna cu an der tuk caah an ril; annih cu rap nih a foihmi sa bantuk an si. Pathian thinhunnak a ṭhawnnak cu an hngalh cang.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.