ṬAHNAK HLA 1:14 - Lai (Hakha) Common Language Bible 2006

¹⁴ Ka palhnak cu ka cungah ṭem chih an si i Amah kut hrim nih ka velchum in a ngerh hna; A hngawngkual cu ka hngawng ah khan a ka khinh i A rih tuk caah ka tha nih a celh lo; Cu ti i a ka khinh bu cun Bawipa nih a ka kaltak i ka dir kho lo.

ṬAHNAK HLA 1:14 Խաչաձեւ Հղումներ

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

DEUTERONOMI 28:48

cucaah Bawipa nih an thlahhnawhmi hna nan ral hna cu rawlṭam tihal, puan lo le zeizong vialte herhbau cukmak in nan rianh hna lai i, an hrawh hna hlantiang thir hngawngkual nan hngawng ah an banh hna lai.

EZEKIEL 25:7

nan cungah ka kut ka samh lai i nannih cu miphun hna hazawh ah kan ser hna lai i miphun dang hna sin khan kan ṭhen hna lai; khuazeika ram hmanh ah nannih cu kan hloh hna lai i nan cungah rawhnak ka tlunter lai. Cuticun keimah cu Bawipa ka si kha nan hngalh lai, tiah a ti.

EZEKIEL 25:4

nannih cu nichuahlei miphun sinah kan chanh hna lai. Nan lakah an riahbuk kha an sak hna lai i an umnak hmun kha an khuar hna lai; nan rawl kha an ei lai i nan cawhnuk kha an din lai.

JEREMIAH 28:14

Zeicahtiah hi bangin Ralkapbu Bawipa, Israel Pathian nih a ti, ‘Hi miphun vialte hna hngawng ah hin thir hngawngkual ka chiah lai i Babilon siangpahrang cu an rianh lai. Amah cu an rianh lai, amah riantu dingah ramlak saram hmanh amah cu ka pek cang hna,’ ” tiah a ti.

PHUNGTHLÛKBIA 5:22

Miṭhalo cu amah ṭhat lonak ah aa foih i a sual rianṭuannak ah khan a tang.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

EZEKIEL 23:28

“Mah hihi Bawipa Pathian bia an si: Na huatmi hna, na luakchuak cikcek in an nortu hna kut chungah khan nangmah cu kan chanh lai i

EZEKIEL 21:31

A hliau in aa hliaumi mei bantukin nan cungah ka thinhunnak kha ka langhter tikah ka thinhunnak kha nan hngalh lai. Cun nannih cu thil hrawh thiamnak leiah a thiam ngaingaimi mipuar hna kut chungah kan chanh hna lai.

EZEKIEL 11:9

Nannih cu a chungin kan chuah hna lai; ramdangmi hna kut chungah kan chanh hna lai; biaceihnak hmun ah kan chuahpi hna lai.

JEREMIAH 37:17

Zedekiah Siangpahrang nih Jeremiah cu a hei cah i a sinah a hunter. Siangpahrang nih cun a inn ah a thli tein bia a hal i, “Bawipa sinin zei bia a um maw?” tiah a ti. Cun Jeremiah nih a leh i, “A um ko. Nang cu Babilon siangpahrang kut chungah chanh na si lai,” tiah a ti.

JEREMIAH 32:5

Zedekiah cu Babilon ah an kalpi lai i khika ah a cung i rian ka ṭuan hlantiang a um lai. Babilon mi kha do hmanh hna seh law, a tei hna lai lo, tiah Bawipa nih a ti, tiah Jeremiah cu na chim”, tiah Zedekiah Siangpahrang nih cun a ti i cucaah khika ah khan thong i a thlaknak cu a si.

JEREMIAH 27:12

Judah siangpahrang Zedekiah sinah cu bia vialte cu ka chim i, “Babilon siangpahrang hngawngkual tangah cun na hngawng cu na chiah i amah le a mi hna cu na rianh hna ahcun na nung lai.

JEREMIAH 27:8

Zei miphun hmanh si hna seh, zei ram hmanh si hna seh, hi Nebukhadnezzar, Babilon siangpahrang hi a rian a ṭuan duh lo i a hngawngkual tangah hin a hngawng chiah a duh lomi cu, cu hna cu vainam le mangṭam le rai in, amah kut tang i ka umter dih hna hlan tiang, dan ka tat hna lai,’ tiah Bawipa nih a ti.

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

ISAIAH 14:25

Israel ram ka ram chungah hin Assiria mi kha ka thah hna lai i ka tlang cungah ka lamh chih hna lai. Assiria hngawngkual chung khan ka mi cu ka luatter hna lai i an phorhmi thilrit khan ka luatter hna lai.

JEREMIAH 28:13

“Thing in sermi hngawngkual cu na khiah cang hna, sihmanhsehlaw an hmun ah thir hngawngkual kha na co lai.

JEREMIAH 32:3

“Bawipa nih, ‘Hi khua hi Babilon siangpahrang sinah ka pek lai i a lak lai.

MIKAH 2:3

Cucaah Bawipa bia cu hi bangin a si: Hi mi hna cungah hin rawhralnak tlunter ka tim lio i ahohmanh an luat kho lai lo. I uangthlar ngaiin nan i chawk thluaimai kho ti lai lo, Zeicahtiah cu caan cu an caah caan chia a si lai.