SOLOMON HLA 6:11 - Lai (Hakha) Common Language Bible 2006

¹¹ Va kal rih ning zohzun hoi rih lang, dum hmun nelrawn chungah cun, Mitsur hnah note corh cang hna maw tiin, taleti par mom hna zong.

SOLOMON HLA 6:11 Խաչաձեւ Հղումներ

SOLOMON HLA 7:12

Tuan in tho law mitsur lo ah cun kal u si, Mitsur par hna a no mom le taleti par sarh cang hna maw kan hoi hawl lai, Khika ah khin kei zuun rim cu zaa in chan lang.

LAMKALTU 15:36

Cu hnu caan tlawmpal ah khin Paul nih Barnabas cu a thawh i, “Va kal ṭhan u si law Bawipa kong kan chimnak khua paoh ah khan kan unau hna kha va tlawng ṭhan hna u si law zeitindah an um ti kha va zoh hna u sih,” tiah a ti.

MARKA 11:13

Lamhlat nawn khin a hnah a ṭha ngaimi theipi kung pakhat a hei hmuh i a tlai a um hnga maw tiah a hei fuh; sihmanhsehlaw a hei phak tikah, cu caan cu theipi tlai tik a si lo caah, a hnahpi lawng a rak si kha a va hmuh.

SOLOMON HLA 6:2

Ka dawtte cu a dum chungin kal ai kaw, zihmui hmun ah cun, A dum chungah lili par ṭawh le tuurun rual hna khalh pah in.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

GENESIS 2:9

Vawlei chung cun aa dawhmi thingkung le rawl ca i a ṭhami kung a phunphun kha a khohter hna, dum laifang ah cun nunnak thingkung, chia le ṭha hngalh khawhnak thingkung zong a khohter.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

LUKA 13:7

Cucaah a dum zohkhenhtupa kha a thawh i, “Zohhmanh, kum thum chung theipi kung hi a tlai maw tlai lo, tiah zoh awkah ka ra lengmang i a tlai zeihmanh ka hmu rih lo. Cucaah hau ko. Zeicahhen vawlei dah tu kha a ei lengmang lai?’ tiah a ti.

GENESIS 40:10

nge pathum a ngei. A hnah an corh cangka khin a par kha an hung chuak colh i a thei cu an hung hmin colh.

SOLOMON HLA 6:12

Ka hngal lo nain lung ka tum lengnu nih, Ka ruahter maw mi thong sang uktu, mangbawi cungchin sanghlei ah.

SOLOMON HLA 7:13

Ṭhing thar chonh in kan chumtual kot ah Dimṭial pangpar dawh cem rimhmui le thei ṭha phun tling hna, Ka dawt nang ca tlem ai ing.