SOLOMON HLA 1:7 - Lai (Hakha) Common Language Bible 2006

⁷ Hei ka chim law lungkil ka tum aw, Khoi zawn ah maw na tuurun na tlonter hna, Ni lin chun zawn ah cun thingdem tang khoi ah zau hna maw? Zei ah dah maw na val hawi mi tuurun hna kiangah, Nang kawl in ka vaih len ko tawn hnga.

SOLOMON HLA 1:7 Խաչաձեւ Հղումներ

ISAIAH 13:20

Cuka ah cun ahohmanh an um ṭhan ti lai lo. A vak a vai tawnmi Arab mipa zong nih cuka ah cun a thlam a bunh lai lo; cuka ah cun tuukhal zong nih an saṭil an khal hna lai lo.

SALM 28:1

Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

1 PETER 2:7

Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JOHAN 10:11

“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

JEREMIAH 33:12

Mah hihi Ralkapbu Bawipa bia a si: Hi hmun le a khua vialte hna, a rawk i a ril komi, a chungah mi siseh, saram siseh an um lonak ah hin, tuukhal hna nih an tuu an pumh hnanak himnak hmun a um ṭhan lai.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 5:1

Ka hawipa le a mitsur dum hla ka phuahmi hna hi ngai tuah u. Vawlei ṭhatnak tlang cungah ka hawipa nih mitsur dum pakhat a ngei.

SOLOMON HLA 8:13

Ka thaisung in ka dum chung i a ṭhumi aw, Ka val hawi nih na aw theih an ngai, kei zong ka theihter ve law.

SOLOMON HLA 6:3

Ka dawtte aw kei ta na si i, kei zong nang ta ka si ve, Lenter hna ai a tuurun rual cu, lili pangpar hna lakah.

SOLOMON HLA 5:16

A anka nih thlum hliarmar tein, Duhcuang ṭhahlei si ai hrim dahkaw, Ka dawtte cu duh nun ṭha si ai, Jerusalem leng rual hna.

SOLOMON HLA 5:10

Ka dawtte cu vang virverte le sen zilzel, Kan minung hawi thong hra vial lakah, a iangtu an um ri lo.

SOLOMON HLA 5:8

Maw Jerusalem ngaknu leng rual hna, Ka dawt nunnem nan hmuh zawn ah cun, Zuun in a zaw ti in vung chim tawn ai u.

SOLOMON HLA 2:16

Ka dawtte aw nang ka ta si i kei zong nang ta si ve ci, Lenter hna law na tuurun hna cu lili pangpar hna lakah.

SOLOMON HLA 2:3

Ka duh dah ngai a val hawi lakah hnak thlai rem, Hung lang ai ngai thing ṭha hmawng lakin epalte khi bang, Hei ei ning law a thladem tangah thlum riangmang tein.

SALM 116:1

Bawipa nih ka thlacamnak kha a ka ngaihpiak i a ka theihpiak caah Bawipa cu ka dawt.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 18:1

Maw Bawipa ka ṭhawnnak, nangmah cu kan dawt hringhran ko! Nangmah cu a ka chanhtu na si.

GENESIS 37:16

Anih nih, “Ka ule ka kawl hna,” a ti. Cun, “Khuazei ah dah saṭil kha an cawngh hna ka chim tuah?” a ti.

SOLOMON HLA 6:2

Ka dawtte cu a dum chungin kal ai kaw, zihmui hmun ah cun, A dum chungah lili par ṭawh le tuurun rual hna khalh pah in.

RUTH 2:21

Cun Moab minu Ruth nih cun, “Cu hleiah, ‘Ka rawl ṭuan an dih hlantiang ka sinum hna sinah hin na um ve ko lai,’ a ka ti pei,” tiah a ti.