SALM 92:6 - Lai (Hakha) Common Language Bible 2006

⁶ Mihrut nih an hngalh khawh lo i lungtlawmmi nih an theihthiam khawh lomi cu,

Laibaibal Thiang (BSI)

⁶ Mihrut nih an hngal kho lo i lung tlawmmi nih an theithiam lo.

SALM 92:6 Խաչաձեւ Հղումներ

SALM 73:22

Ka hrut i zeihmanh ka hngalthiam lo; na cung i ka umtuning cu saram umtuning bantuk a si.

SALM 94:8

Ka mi hna, zeitindah cu tluk cun nan hruh khawh? Zeitik ah dah nan hngalh khawh te lai?

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

SALM 49:10

Hihi philh hlah: mifim zong mihrut bantukin an thi ve ko lai i an chaw le an va cu an fale kha an roh ve ko hna lai.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

JEREMIAH 10:14

Mi vialte hi mihrut, hngalhnak zeihmanh a ngei lomi an si dih; Sui sertu vialte hna hi an siasal sermi hna nih hin zumhawktlak lo ah an canter dih hna; Zeicahtiah milem an sermi hna cu hlennak men an si i An chungah thaw zeihmanh a um lo.

PHUNGTHLÛKBIA 24:7

Fimnak hi mihrut caah cun a sang tuk i a hngalh khawhmi a si lo, thil pipa ceih tikah zeihmanh chim awk a hngal lo.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

ISAIAH 1:3

Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo. A hngalh in an hngalthiam hrimhrim lo,” a ti.

PHUNGTHLÛKBIA 30:2

Holh thiam lomi saram men ka si ko, minung hmanh ka si lo; minung nih hngalhthiamnak an ngeihmi hi ka ngei lo.

SALM 32:9

Na duhnak zulhter awkah chak le kaahlawmh a haumi rang le laa bantukin hrut hlah,” a ka ti.

SALM 14:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah; ahmaanmi thil a tuahmi ahohmanh an um lo.

SALM 75:4

Miruamkai kha i porhlaw hlah u ka ti hna i miṭhalo kha nan lung puam hlah u, ka ti hna;

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

SALM 139:14

Hi bantuk thil thuk le khuaruahharmi thil ruangah hin nangmah cu kan lawmh: keimah kong i khuaruahhar a simi thil le nangmah nih na tuahmi thil khuaruahhar a simi hna kong ah hin kan lawmh. Nangmah nih na ka hngalh dih cikcek ko;

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

ISAIAH 55:9

Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh.

JEREMIAH 32:19

Maw a lianngan i a ṭhawngmi Pathian, na min cu Ralkapbu Bawipa a si, naa tinhmi thil cu thil lianngan an si i na tuahnak cu khuaruahhar a si. Na mit nih mi an kalnak lam vialte cu a hmuh dih i annih cu an umtuning cio le an tuahmi thil nih hmuh awk aa tlakning cio khan na lehrulh hna.