SALM 92:5 - Lai (Hakha) Common Language Bible 2006

⁵ Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

Laibaibal Thiang (BSI)

⁵ Maw BAWIPA, na tuahmi thil kha zeitlukindah a ngan? Na ruahnâk kha an thuk hringhran ko.

SALM 92:5 Խաչաձեւ Հղումներ

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

SALM 139:17

Maw Pathian, na ruahnak cu ka caah zeitluk in dah hngalh a har, na ruahnak cu a tam tuk ah a dongh in a dong kho lo.

1 KORIN 2:10

Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna.

SALM 111:2

Bawipa nih a tuahmi thil cu zeitluk in dah khuaruahhar a si! A tuahmi thil cung i aa lawmmi hna nih cun an sullam kha hngalh an duh.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

JEREMIAH 23:20

Bawipa thinhunnak cu, a lung chung tinhmi kha a tuah i a tlinh hlanah cun aa let lai lo. Hmailei caan ah mah hihi fiang tein nan hngalh te lai.

PHUNGCHIMTU 7:24

Zeitindah mi nih nunnak hi zeidah a si tiah an tuak khawh lai? Kan caah a thuk tuk, hngalhawk a har tuk.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

SALM 64:6

Ṭhatlo tuahnak ding khua cu an khan i “Ṭhatlo tuahnak ding khua kan khanmi cu a ṭha tuk,” an ti. Minung lungthin le ruahnak hi khuaruahharmi thil thuk a si hrimhrim ko.