SALM 86:9 - Lai (Hakha) Common Language Bible 2006

⁹ Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

Laibaibal Thiang (BSI)

⁹ Maw Bawipa, na sermi miphun kip na hmai ah an ra lai i an in biak lai, na min cu an thangṭhat lai.

SALM 86:9 Խաչաձեւ Հղումներ

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

SALM 66:4

Vawlei cungmi vialte nih an in biak i hla in an in thangṭhat, na min kha hla in an thangṭhat,” tiah chim u.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

SALM 102:15

Miphun kip nih Bawipa cu an ṭih lai, vawlei cung siangpahrang vialte nih a ṭhawnnak cu an ṭih lai.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

ROM 15:9

Cu lawng si loin, Pathian cu mi cungah zaangfahnak a ngeih caah Jentail mi hna nih an thangṭhat lai ti duhnak a si fawn. Cucu Cathiang nih, “Jentail mi hna lak hmanh ah nangmah cu kan lawmh lai i Na min cu hla in ka thangṭhat lai,” a ti bantuk le

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ZEKHARIAH 14:9

Cun Bawipa cu vawlei cung vialte siangpahrang a si lai; khi ni ah cun Bawipa lawnglawng cu Bawipa a si lai i a min lawnglawng cu min a si lai.

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

SALM 102:18

Bawipa nih a tuahmi thil kha a ra lai ding chan caah ṭial tuah u, cuticun a chuak rih lomi nih amah kha an thangṭhat khawh lai.

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

SALM 67:7

Pathian nih thluachuah a kan pek; vawleicung mi zakip nih upat hna seh.

BIAPHUAN 20:3

Vanmi nih cun dongh hngal lo khor chungah khan a thlak i kum thong khat kha a dih hlantiang, mi kha a hlen khawh ti hna nakhnga lo, a hrenh i ca a khenh chih. Cu hnuah cun tlawmpal chuah a si te lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

EFESA 1:12

Cucaah Khrih chung i ruahchannak a bunh hmasa bik pawl kannih nih hin Pathian sunparnak cu thangṭhat ko u sih.

SALM 72:8

A penmi ram cu rili pakhat in rili pakhat tiang a si lai i Zufrates tiva in vanhramdeng tiang a si lai.

2 CHANRELNAK 6:33

na umnak van khin rak theihpiak law, ramdangmi nih an in auhnak vialte ning in tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga, theihpiak ko hna.

ZEFANIAH 3:9

Khi tikah mi vialte kha hmur thiang ka pek hna lai i Bawipa min cu an auh lai i lungkhat tein a rian an ṭuan lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.