SALM 86:1 - Lai (Hakha) Common Language Bible 2006

¹ A derthawmmi le santlai lomi ka si caah ka thlacamnak cu ka ngaihpiak law ka let tuah, Maw Bawipa.

Laibaibal Thiang (BSI)

¹ Maw BAWIPA, na hna chi law, run ka let hrâm ko; zeitintiah sifak le chambaumi ka si.

SALM 86:1 Խաչաձեւ Հղումներ

SALM 31:2

Ka thlacamnak cu ka theihpiak law ka khamh ko sawh; ka himnak lungpi si law ka khamhnak ding caah a fekmi ralhau si ko.

SALM 40:17

Kei cu ka si a fak i ka re a thei, sihmanhsehlaw Bawipa, nangmah nih na ka ruah ko. Nangmah cu ka Khamhtu le a ka Bawmtu na si — rau sawh hlah, Maw ka Pathian!

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

SALM 34:6

Santlai lomi nih amah cu an auh i a leh hna; an harnak chungin a khamh dih hna.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.

ISAIAH 37:17

Atu cu Bawipa, kan thlacamnak hi kan theihpiak law kannih cu run kan zoh tuah. A nungmi Pathian nangmah serhsatnak bia Sennakherib nih a chimmi vialte hi ngai tuah.

SALM 142:1

Bawmhnak hmuhduh ah Bawipa cu ka auh i amah cu ka nawl.

SALM 140:12

Bawipa, nangmah nih misifak cu na ṭanpi hna i mirethei cu an hmuh awk hnga a simi kha na hmuhter hna, ti kha ka hngalh.

SALM 119:22

Nangmah phunglam kha ka zulh hna caah an ka serhsatnak le an ka nihsawhnak cun ka luatter ko.

SALM 102:17

Kaltak cia a mi kha an thlacamnak a ngaihpiak hna lai i a theihpiak hna lai.

SALM 17:6

Maw Pathian, na sinah thla ka cam i na ka leh: cucaah atu zongah hin keimah leiah i mer law ka bia cu ka ngaihpiak ko.

SALM 102:1

Maw Bawipa, ka thlacamnak cu ka ngaihpiak law nangmah bawmhnak hal ah ka aunak cu ka theihpiak ko.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 25:16

Maw Bawipa, keimah lei hoi law, ka zaangfah tuah, zeitintiah ka um a har i ka thazang a der.