SALM 85:9 - Lai (Hakha) Common Language Bible 2006

⁹ Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

Laibaibal Thiang (BSI)

⁹ A khamhnâk cu amah a ṭihtu hna caah a nai tak tak ko, cun kan ramah sunparnâk a um kho lai.

SALM 85:9 Խաչաձեւ Հղումներ

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

LUKA 2:32

Cucu Jentail mi hna caah na lam a langhtertu a simi ceunak le na mi Israel mi hna ca i sunparnak cu a si,” tiah a ti.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

LAMKALTU 13:16

Paul cu a dir i a kut in dai u tiah a hmuhsak hna i biachim hram aa thawk: “Ka phunhawi Israel mi hna le Pathian a biami Jentail mi hna, ka bia hi ngai tuah u.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

SALM 119:155

Na nawlbia kha miṭhalo mi nih cun an zulh hna lo caah annih cu khamhnak an hmu lai lo,

1 SAMUEL 3:9

Cucaah Eli nih Samuel sinah cun, “Va kal law, va it ṭhan ko; cun an kawh ṭhan ahcun, ‘Chim tuah, Bawipa, zeitintiah na salpa nih a theih ko,’ tiah na ti lai,” tiah a ti. Cucaah Samuel cu a kal i a umnak ah khan a va it ṭhan.

JEREMIAH 23:35

Nanmah lakah nan i chawnh tikah nan hman awk hnga bia cu, ‘Bawipa nih zeitindah a leh?’ ti maw, asiloah, ‘Bawipa nih zeidah a chim,’ ti a si lai.

JEREMIAH 23:37

Profet sinah bia nan chim tikah nan chim ding ning cu, ‘Bawipa nih zeitindah an leh?” ti maw, asiloah, ‘Bawipa nih zeidah a chim?’ ti a si lai.

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

EZEKIEL 3:10

Cun a ka thawh i, “Mipa, nangmah kan chimhmi hi ṭha tein ngai law na lung chungah i cinken tuah.

HABAKKUK 2:1

Ralvennak innsang ah khan ka va dir lai i kulhnak vampang ah khan ka va um lai; Ka sinah zeidah a chim lai ti kha ka va hngak lai i, Ka phunzainak kongah khan ka sinah zeidah a chim lai i, Kei nih zeitindah ka leh lai ti kha hmuh awkah ka va cuan lai.