SALM 82:3 - Lai (Hakha) Common Language Bible 2006

³ Sifakmi le ngakṭah kha an bia ceihpiak hna u, rethei le bawmtu ngei lo kha hmaan tein ruahpiak hna u.

Laibaibal Thiang (BSI)

³ Sifâk hna le nu ngei lomi thlavâng hauh hna u law, harnâk a tuarmi le rethei hna sinah dik ngai in bia ceih u.

SALM 82:3 Խաչաձեւ Հղումներ

SALM 10:18

Hremmi hna le ngakṭah cu an aunak kha na theihpiak hna i anmah lei ṭanh in bia na ceih, cucaah a thi khomi minung nih hin thil ṭihnung kha an umter ti lai lo.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

JEREMIAH 22:16

Mirethei le misifak cungah khan bia ding tein a ceih, Cu nih cun keimah a ka hngalh kha a langhter a si lo maw, tiah Bawipa nih a ti.

JEREMIAH 22:3

Thil nan tuah tikah dingte le hmaan tein tuah u, hremmi kha a hremtu kut chungin chuah u, ramdangmi le ngakṭah le nuhmei hna cungah ṭhat lonak siseh, zaang-ennak siseh, tuah hlah u.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

DEUTERONOMI 24:17

“Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo;

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si,” a ti.

DEUTERONOMI 10:18

Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.

EXODUS 23:3

Biaceih tikah misifak cungah duhdanhnak zeihmanh ngei hlah.

EXODUS 23:6

“Nan lak i misifak pakhatkhat kha taza cuai a si ahcun, a bia kha ding tein ceihpiak ko u.

JOB 29:12

Sifakmi kha bawmh herh in an au tikah ka bawmh hna i, Chanhtu ngei lomi ngakṭah kha ka chanh hna.

JOB 31:21

Zung ah mi nih an ka bawmh sawk lai tiin ngakṭah cungah ka kut ka hler ahcun,

PHUNGTHLÛKBIA 31:9

Annih cu an bia chimpiak hna law an caah a dingmi biaceihtu va si ko; sifakmi le retheimi kha dirkamh hna.

ZEKHARIAH 7:9

Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,