SALM 81:10 - Lai (Hakha) Common Language Bible 2006

¹⁰ Keimah cu Bawipa nan Pathian ka si, keimah nih Izipt ram in kan chuahpi hna; nan ka ang u law rawl kan pek hna lai.

Laibaibal Thiang (BSI)

¹⁰ Keimah hi BAWIPA; nan Pathian cu ka si; Ezip ram in an hruaitu hna kha ka si; kau piin nankâ i ân u law, ka khahter lai.

SALM 81:10 Խաչաձեւ Հղումներ

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

SALM 107:9

Ti a halmi kha an ti hal a riamhter hna i rawl a ṭammi kha thil ṭha in an paw a khimter hna.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

JOHAN 7:37

Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

JOHAN 16:23

“Cu ni a phak tikah cun keimah cu zeihmanh nan ka hal lai lo. Biatak kan chimh hna: Ka Pa nih ka min in nan halmi paoh cu an pek hna lai.

JEREMIAH 11:4

Thir titnak somei a simi Izipt ram in nan pupa hna kha ka chuahpi hna tikah annih he biakamnak ka rak tuah i kha biakamnak bia a zul lomi paoh cu nan cungah chiatserhnak tlung ko seh. Annih cu ka rak thawh hna i, Ka nawl nan ngaih i kan chimh mi hna vialte nan tuah ahcun, ka mi nan si lai i nan Pathian ka si lai, ka rak ti.

EXODUS 20:3

“Keimah hlei in pathian dang zeihmanh nan bia lai lo.

DEUTERONOMI 5:7

“ ‘Keimah hleiah a dang pathian zeihmanh na ngei hna lai lo.

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

JOSHUA 24:23

Amah nih, “Hi a si ahcun nanmah lak i a ummi ramdang pathian hna kha hlaw hna u law, nan lung in Bawipa, Israel Pathian, cu i hngatchan tuah u,” tiah a ti hna.

HOSEA 8:3

Sihmanhsehlaw a ṭhami thil kha an duh lo. Hi ruangah hin an ral nih an dawi hna lai.