SALM 80:14 - Lai (Hakha) Common Language Bible 2006

¹⁴ Maw Lianngan Bik Pathian, kanmah leiah i mer ko! Vancung khin run kan zoh law ra law na mitsur ruang hi rung khamh ko.

Laibaibal Thiang (BSI)

¹⁴ Maw ralkapbu Pathian, kan in nawl ko, zohhmanh, hi misurruang hi run veh hrâm ko.

SALM 80:14 Խաչաձեւ Հղումներ

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

MALAKHI 3:7

Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu Bawipa nih a ti. Nannih nih nan i thawh i, “Zeitindah kan kir khawh lai?” nan ti.

ISAIAH 63:17

Zeicahdah na lam zul loin na kan pialter? Zeicahdah kan lung na kan hahter i nangmah cu kan in mertak? Nangmah na rian a ṭuanmi hna ruangah le nangmah mi a si zungzal komi hna ruangah, ra kir ko sawh.

SALM 90:13

Bawipa, zei can dah kan cungah lung ṭhul loin na um lai? Na sal hna kan cungah hin zaangfahnak ngei ko.

LAMKALTU 15:16

‘Hi hnuah hin ka ra kir ṭhan lai i David inn a tlumi kha ka tun ṭhan lai. A rawhnak kha ka remh lai i ka sak ṭhan lai.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

SALM 33:13

Bawipa nih vancung khin a run kan zoh i minung vialte hi a kan hmuh dih.

SALM 7:7

Mi vialte kha na velchum ah pumhter hna law annih cu cunglei khan run uk hna.