SALM 8:6 - Lai (Hakha) Common Language Bible 2006

⁶ Na sermi thil vialte a uktu ah na ser i zeizong vialte hna dihlak cungah khan na chiah:

Laibaibal Thiang (BSI)

⁶ Na kutchuak cungah nawl na ngeihter i ake tangah zeizong vialte na chiah dih hna,

SALM 8:6 Խաչաձեւ Հղումներ

GENESIS 1:28

Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti.

GENESIS 1:26

Cun Pathian nih cun, “Atu cu minung kan ser cang hna lai; kanmah mui an keng lai i kanmah he kan i lo lai. Nga si hna seh, va si hna seh, inn zuat saṭil si hna seh, ramlak i a ummi saram a hme he a ngan he si hna seh, an uk dih hna lai,” tiah a ti.

HEBRU 2:8

Zeizong vialte uktu ah na ser,” tiin a um bang khan, a si lehlam. Pathian nih, minung cu, “zeizong vialte uktu” ah a ser ti a si; zeizong vialte timi chungah hin thil vialte an i tel dih. Sihmanhsehlaw minung nih zeizong vialte a uk lo ti cu kan hmuh ko. Cucaah cun a sullam zeidah a si hnga?

EFESA 1:22

Pathian nih zeizong vialte cu Khrih ke tangah khan a chiah dih hna i Khrih cu Khrihfabu lu ah a ser i zeizong vialte uktu Bawi ngan bik ah a chiah.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

GENESIS 9:2

Vawlei cung saram vialte, va hna le saram hna phun hna le nga hna zong nih an in ṭih hna lai. Annih cu an dihlak in nanmah kut tangah chiah an si.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.