SALM 79:2 - Lai (Hakha) Common Language Bible 2006

² Na mi hna an ruak cu langta ei awkah an hlonh hna i na sal hna an ruak cu saram ei awkah an hlonh hna.

Laibaibal Thiang (BSI)

² Na salle ruak hna cu vanva rawl ah an pêk hna i na mithiang hna sa cu ramsa sinah an pêk hna.

SALM 79:2 Խաչաձեւ Հղումներ

JEREMIAH 7:33

Cun hi mi hna ruak cu van i a zuangmi va hna caah le lei i a tlongmi saram hna caah rawl an si lai i annih ṭhawltu ah ahohmanh an um ti lai lo.

JEREMIAH 34:20

An ral hna sinah ka pek hna lai. Anmah thah a duhmi hna sinah khan ka chanh hna lai i an ruak cu va le ramlak saram nih an ei hna lai.

JEREMIAH 16:4

Zawtnak ṭihnung ngaingai in an thi lai. Ahohmanh nih an ṭah hna lai lo, vui zong an tong lai lo. Vawlei i ek pon bantukin an ril lai. Annih cu ral kut in an thi lai, asiloah mangṭam in an thi lai, an ruak cu van i a zuangmi va hna le vawlei i a ummi saram hna caah rawl an si lai.

DEUTERONOMI 28:26

Cun nan ruak hna cu van i a zuangmi va vialte le vawlei i a ummi saram hna caah rawl an si lai i, a ṭhawltu ahohmanh an um lai lo.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

ZEFANIAH 1:17

Bawipa nih, “Minung cungah a fakmi harnak kha ka tlunter lai; Bawipa cung i an sual ruangah khan mitcaw bantukin an i chawk lai. An thi cu ti bantukin thlet a si lai i an ruak zong ek bantukin hlonh a si lai,” a ti.