SALM 79:1 - Lai (Hakha) Common Language Bible 2006

¹ Maw Pathian, lawkihmi nih na mi hna kan ram hi an rung chim; na biakinn thiang cu an thurhhnawmh i Jerusalem cu an hrawh dih.

Laibaibal Thiang (BSI)

¹ Maw Pathian ro ca ah na comi ah miphun kip an lut, na ṭempal thiang an thûrter i Jerusalem an chimh dih.

SALM 79:1 Խաչաձեւ Հղումներ

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

2 CHANRELNAK 36:19

Cun Pathian inn cu an khangh i Jerusalem khua kulhnak vampang cu an chimh hna i a chung i siangpahrang inn vialte cu mei in an khangh hna i a umkheng mansung vialte cu an hrawh dih hna.

ṬAHNAK HLA 1:10

A ro vialte kha tlaih awkah a ral nih a kut kha a chuah; Khi tikah khan, nangmah na mibu chungah luh awk na thlauhmi Jentail mi hna a hmunthiang chung i an luh kha a hmuh hna.

JEREMIAH 26:18

“Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si: Zion cu thuanmi lei ah a cang lai i Jerusalem cu a rawkmi hnawmpon ah a cang lai, Biakinn tlang cu hlingbur hmun ah a cang lai, tiah a ti hna.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

SALM 78:71

Amah cu Israel siangpahrang ah a ser, Pathian mi hna tuukhal ah a ser.

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

2 SIANGPAHRANG 24:13

Bawipa nih a rak chimchung bang khan, Bawipa inn chung ro thil vialte le siangpahrang inn chung ro thil vialte kha a lak hna i Israel siangpahrang Solomon nih a rak sermi sui umkheng, Bawipa biakinn i a ummi vialte kha a khuai dih cikcek hna.

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

EZEKIEL 9:7

“Biakinn kha thurter u, a tual kha miruak in khahter dih u law cun khua chungah va kal u law va that hna u,” tiah a ti.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

ISAIAH 63:18

Kan ral nih na mi cu an kan dawi dih dengmang i Biakinn cu an thurhhnawmh.

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.