SALM 78:5 - Lai (Hakha) Common Language Bible 2006

⁵ Israel mi kha nawlbia a pek hna, Jakob tefa kha nawlbia a pek hna. Ka nawlbia cu nan fale kha nan cawnpiak hna lai, tiin kan pupa kha a fial hna.

Laibaibal Thiang (BSI)

⁵ Zeitintiah Jakob hna sinah hngalhternâk cu a fehter i Israel ram ah nawlbia a pêk, a kan hringtu hna sinah nan zulh lai a ti i an fale sinah an chanh lengmang khawh nâkhnga.

SALM 78:5 Խաչաձեւ Հղումներ

DEUTERONOMI 6:7

na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.

EFESA 6:4

Nu le pa hna, nan fale kha an thin hung seh tiin ti hna hlah u. Khrihfa ziaza le cawnpiaknak he tu khan ṭhanter hna u.

SALM 81:5

Izipt ram doh awkah aa thawh tikah, Israel mi kha nawlbia ah a pek hna. Ka theih bal lomi aw pakhat kha ka theih i cu aw nih cun,

DEUTERONOMI 4:45

Izipt ram in Israel fale hna nih an chuah tikah mah hna hi Moses nih a chimhmi hna hngalhternak bia hna le nawlbia hna le phunglam hna cu an si;

ISAIAH 38:19

Atu i keimah nih kan thangṭhat bantukin nangmah an thangṭhatmi cu minung hi an si. Zeitluk in dah zumhawktlak na si kha pale nih an fale kha an chimh hna.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

DEUTERONOMI 11:19

Cun mah hna cu nan fale kha nan cawnpiak hna lai i, nan inn chung i nan ṭhut le lam i nan i chawh le nan ih le nan thawh tikah nan chim lengmang hna lai.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

ROM 3:2

A phunphun in tampi a um ko! Cu hna lak i a hmasa bik cu, Pathian nih a bia Judah mi a kenter hna kha a si.

SALM 147:19

Jakob cu a bia kha a chimh, Israel cu a nawlbia le a phunglam kha a pek.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

EXODUS 40:3

Biakamnak hngalhter ṭhantu lungtlap hna umnak kuang kha a chungah na chiah lai i puanzar na khuh lai.

EXODUS 25:21

A chin cu kuang cungah cun na chiah lai i kuang chungah cun biakamnak hngalhter ṭhantu lungtlap pahnih kan pek laimi kha na chiah hna lai.

SALM 119:152

Na kan cawnpiaknak cu hlanlio piin ka rak hngalh cang, zungzal hmun dingin na ser hna.

EXODUS 25:16

Kuang chungah cun kan pek laimi lungtlap pahnih, biakamnak hngalhter ṭhantu, kha na chiah hna lai.

EXODUS 40:20

Cun biakamnak lungtlap kha a lak hna i kuang chungah khan a chiah hna. Kuang i thlaihmi sui kual ah khan lang kha a hrolh hna i a chin kha a chinh.

EXODUS 12:27

nannih nih, ‘Bawipa sinah pekmi lanhtak thawinak a si, zeicahtiah Izipt mi hna a rak thah hna ah khan Izipt ram i a um vemi Israel mi hna cu kan inn kha a lanhtak hna i kan inn cu a zuah hna,’ tiah nan leh hna lai,’ tiah a chimh hna. Mi zapi cu an khuk an i bil i Bawipa kha an biak.

DEUTERONOMI 31:13

hi a hngal rih lomi nan fale zong nih, va co awkah Jordan tiva nan tanhnawhmi ram chungah nan um chung paohpaoh, Bawipa nan Pathian ṭih kha an thiam nakhnga, pum hna u,” tiah nawl a pek hna.

DEUTERONOMI 32:46

annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, ṭha tein an tuah nakhnga, nan fale kha nawl pe hna u.