SALM 78:10 - Lai (Hakha) Common Language Bible 2006

¹⁰ Pathian sinah bia an i kammi kha an zul lo, a nawlbia kha ngaih an duh lo.

Laibaibal Thiang (BSI)

¹⁰ Pathian biakam cu an zul lo i a nawlbia ningin nun an duh lo.

SALM 78:10 Խաչաձեւ Հղումներ

DEUTERONOMI 31:20

Zeitintiah an pupa hna sinah pek awkin chiat ka sermi ram, cawhnuk le khuaihliti in a luangmi chungah ka luhpi hna i, khika ah annih nih an ei i an khim i an thau tikah, pathian dang leiah an i mer lai i an biak hna lai i an ka sersat lai i ka biakamnak kha an buar lai.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

EXODUS 16:28

Cu tikah Bawipa nih khan Moses cu a thawh i, “Zei can riamruam dah ka nawlbia le ka phunglam cu zul duh loin nan um lai?

NEHEMIAH 9:17

annih nih na nawl ngaih kha an duh lo i an lak i khuaruahharnak na tuahmi kha an i cinken duh lo; sihmanhsehlaw an hngawng kha an i rengh i Izipt ram chung i sal an sinak chung i luh ṭhan awkah khan hruaitu pakhat an i ser. Sihmanhsehlaw nang cu ngaihthiam awkah aa tim i vel a ngei i zaangfahnak a ngeimi, thin a fual i a fekmi dawtnak in a khatmi Pathian na si caah annih cu na hlaw hna lo.

EZEKIEL 20:21

“Sihmanhsehlaw an fapale hna zong nih cun an ka doh ṭhiamṭhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh ṭung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah ṭhan.