SALM 77:2 - Lai (Hakha) Common Language Bible 2006

² Harnak caan ah Bawipa sinah cun thla ka cam; zan khuadei thlacam in ka kut cu ka hler hna, sihmanhsehlaw hnangamnak ka hmu kho lo.

Laibaibal Thiang (BSI)

² Ka vansân ni ah Bawipa cu ka kawl, zanah kakut hi thla lo in ka thlir i ka nunnâk nih hnangamh zong a duh lo.

SALM 77:2 Խաչաձեւ Հղումներ

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

GENESIS 37:35

A fapa vialte le a fanu vialte hna nih khan hnemh an i zuam, sihmanhsehlaw an hnemhnak kha duh loin a thawh hna i, “Mithi khua Sheol ah ka fapa zunngai in kal ko ning,” a ti hna.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

HOSEA 5:13

Israel nih zeitluk in dah ka zawt ti kha aa hngalh i Judah nih a hma kha aa hmuh tikah, Israel cu siangpahrang ngan kha bawmhnak va hal awkah Assiria ah a kal, Sihmanhsehlaw a damter kho hna lo i an hma zong a damter kho lo.

JEREMIAH 31:15

Bawipa nih hi bangin a ti: “Ngai hmanh, lunghno ngaiin ṭahnak thawng cu Ramah khua ah a thang, Cucu Rachel nih a fale a ṭah hnanak thawng kha a si; A fale kha an um ti lo caah hnemh kha a duh lo.”

JOHAN 11:31

Mary a ṭhutpitu Judah mi hna nih khan Mary cu a thawh i khulrang in a chuah ah khan an zulh; thlan i va ṭah awkah a kal rua, tiah an ruah.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

PHUNGTHLÛKBIA 18:14

Mi cu lungthin ṭhawng nih a zawt lio ah thazang a pek khawh, sihmanhsehlaw lungthin cu hma a in ahcun, aho nih dah a tuar khawh lai?

SALM 86:7

Ka thlacamnak kha na ka leh tawn caah harnak caan ah nangmah kha kan auh lengmang.

SALM 63:6

Ihkhun cung i ka ih tikah nangmah cu kan thei, zan khuadei nangmah kha kan ruat,

SALM 18:6

Ka harnak chungin Bawipa cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

JOB 11:13

“Na lungthin kha ding tein chia law Amah leiah khan na kut zao tuah.

2 CHANRELNAK 6:28

“Ram chungah hin mangṭam a tlun ah siseh, rai a tlun ah siseh, rocarnak le theikung rai a tlun ah siseh, khaubawk le lunghmul an tlun ah siseh, an ral hna nih khan an khua pakhatkhat i an hren hna ah siseh, zei bantuk rai hmanh si ai kun, zei bantuk zawtnak hmanh si ai kun,

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

SALM 55:17

Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak ṭheo lai.