SALM 74:20 - Lai (Hakha) Common Language Bible 2006

²⁰ Kanmah he biakamnak na tuahmi kha philh hlah. Kan ram chung a muihnak hmun paoh hi zaang-ennak in a khat.

Laibaibal Thiang (BSI)

²⁰ Na biakam kha upat ko, zeitintiah a muimi hmun hna hi nunchiatnâk in a khat dih.

SALM 74:20 Խաչաձեւ Հղումներ

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

SALM 105:8

Biakamnak a sermi cu zungzal in a zulh lai, a biakamnak cu chan thong khat tiang a zulh lai,

SALM 89:28

A sin i bia kaa kammi cu ka tuah zungzal lai i amah he kan biakamnak cu zungzal in a hmun lai.

SALM 89:39

Na sal sin i bia na kammi cu na hrawh i a bawiluchin cu leidip lakah na hlonh.

SALM 5:8

Bawipa, ral tampi ka ngei, na duhnak tuah awkah ka hruai law na lam cu ka zulh khawh nakhnga ka hmaiah na lam cu pheiter ko.

2 SAMUEL 23:5

A si, ka innchungkhar cu cu bantukin Pathian hmaiah a dir lo maw? Zeitintiah keimah he zungzal hmunmi biakamnak kha a ser, Zeizong vialte kha ningcangte le fek tein a tuah. Zeitintiah keimah bawmhnak vialte le duhnak cu Tlinter loin maw a um hnga?

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

DEUTERONOMI 9:27

Na sal Abraham, Isak le Jakob kha cingkeng hna law; hi mi hna an lung khonnak siseh, an ṭhat lonak siseh, an sualnak siseh zei ah rel sawh hlah;

JEREMIAH 14:21

Na min a umnak kha zeirello in um hlah law A sungmi na bawiṭhutdan cung zongah nihsawhnak phakter hlah. Kan sin i na biakam cu philh hlah law pakpalawng ah ser sawh hlah.