SALM 73:12 - Lai (Hakha) Common Language Bible 2006

¹² Miṭhalo mi cu hi bantuk hi an si ko. Thil tampi an ngei i an ngei chin luaimai.

Laibaibal Thiang (BSI)

¹² Zohhmanh, himi hna hi Pathian-ṭihzahlomi an si, annih cu zeiruat loin an nung i an rum chin chin.

SALM 73:12 Խաչաձեւ Հղումներ

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

LUKA 16:19

Voi khat cu mirum pakhat hi a rak um i puan man sung bikbik in aa thuam i nifate in nuam ngaingai in khua a sa.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

SALM 37:35

Miṭhalopa pakhat, mipuarhrang ngai a si i Lebanon sidar thingkung bantukin mi vialte a iap dih hna kha ka rak hmuh;

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.