SALM 72:3 - Lai (Hakha) Common Language Bible 2006

³ Ram nih hin rumnak i lawmhpi seh law dinnak kha a chungah leng seh.

Laibaibal Thiang (BSI)

³ Tlâng hna nih mihna sinah daihnâk an phorh hna lai, cun mual fa tete hna nih dinnâk an phorh hna lai.

SALM 72:3 Խաչաձեւ Հղումներ

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

JOEL 3:18

Khi caan a phak tikah tlang hna cu mitsur dum nih a khuh dih hna lai i Fing kip ah saṭil run kha an tlong lulhmalh lai. Judah ram vialte caah ti tampi a um lai. Bawipa biakinn in tiva pakhat a luang lai i Shittim Nelrawn kha ti a pek dih lai.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

SALM 72:16

Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

SALM 65:12

Saṭil tlonnak hmun cu saṭil run in an khat i tlangpang hna cu lawmhnak in an khat.

ISAIAH 45:8

Teinak cu van in ruah sur in ka surter lai i vawlei nih a rak i donh lai, cun luatnak le dinnak cu vawlei ah cun an par lai. Bawipa nih mah hi cu ka umter lai,” a ti.

ISAIAH 60:17

Dar can ah sui kan pek lai, thir can ah ngun kan pek lai i thing can ah darsen kan pek lai. Lung can ah thir na hmuh lai. An uktu bawi hna nih khan an in hrem ti lai lo, dinnak le daihnak in ka ukter hna lai.