SALM 71:21 - Lai (Hakha) Common Language Bible 2006

²¹ Hmasa nakin a ngan chinchin ah na ka ser lai, nangmah nih hnangamnak na ka pek ṭhan lai.

Laibaibal Thiang (BSI)

²¹ Nangmah nih ka sunparnâk karhter law, lamkip in ka hna ngamter ko.

SALM 71:21 Խաչաձեւ Հղումներ

2 SAMUEL 3:1

Saul innchungkhar le David inn-chungkhar karlakah khan i dohnak saupi a um; David cu a ṭhawng chin lengmang i sihmanhsehlaw Saul innchungkhar cu an der chin lengmang.

SALM 86:17

Bawipa, na ṭhatnak kha ka cungah langhter ko, cu tikah keimah a ka huami hna nih khan hnangamnak le bawmhnak na ka pek kha an hmuh lai i an ning a zak lai.

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

2 KORIN 2:14

Sihmanhsehlaw Pathian cu lawm ko u sih. Zeicahtiah Khrih teinak puai i a kal nuahmahmi mibu chungah khan kannih cu Khrih he kan i pehtlaihnak thawngin Pathian nih thongtla bantukin a kan hruai zungzal. Khrih kong hngalhnak cu khuazakip ah zihmui bantukin karhter awkah Pathian nih kannih cu a kan hman.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

SALM 32:10

Miṭhalo nih cun temhnak an in a hau ko lai, sihmanhsehlaw Bawipa aa bochanmi cu a dawtnak fek nih khan a huhphenh hna.

SALM 18:35

Bawipa, nangmah nih na ka huhphenh i, na ka khamh; na ka zohkhenhnak nih mingan ah a ka ser i na dawtnak nih him tein a ka umter.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

SALM 72:11

Siangpahrang vialte kha a hmaiah an kun lai i miphun vialte nih a rian an ṭuan lai.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

1THESALON 3:9

Atu cu nanmah kongah Pathian cu kan lawmh khawh taktak cang. Nanmah kong i kan Pathian hmaiah kan hmuhmi lawmhnak ruangah hin Pathian cu kan thangṭhat.

2 KORIN 7:13

Cucaah cun pei kan hna a ngam cu. Kan hnangam lawng a si lo. Titas nan rak lawmhternak nih khan a kan lawmhter ve.

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.