SALM 68:18 - Lai (Hakha) Common Language Bible 2006

¹⁸ Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

Laibaibal Thiang (BSI)

¹⁸ Cunglei ah na kai i saltângmi kha na hruai hna, minung hna sinin thilpêk na hmuh i ralthawh a hmangmi sin tiangin, BAWIPA Pathian cu an sin i a um khawh nâkhnga.

SALM 68:18 Խաչաձեւ Հղումներ

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

2 KORIN 6:16

Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih, “Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak.

BIACEIHTU 5:12

“I hlau tuah, i hlau tuah, Deborah! I hlau tuah, i hlau tuah, hla sa tuah! Tho tuah, Barak, na raltang cu hruai hna, Maw Abinoam fapa.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

JOHAN 16:7

Sihmanhsehlaw biatak kan chimh hna: ka kal hi nan caah a ṭha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 47:5

Pathian cu a bawiṭhutdan cungah cun a hung kai; Bawipa a hung kai lioah cun lunglawmhnak au thawng le muko tum thawng a thang.

SALM 24:3

Bawipa tlang ah ahodah a kai kho lai? A biakinn thiang chungah ahodah a lut kho lai?

KOLOSE 2:9

Zeicahtiah Pathian sining cu tling khitkhet tein Khrih a minung sinak ah khan a um i

SALM 78:60

Shiloh khua i a ummi an thlam cu a kaltak, minung sin i a umnak a inn cu a kaltak.

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

2 CHANRELNAK 6:18

“Sihmanhsehlaw Pathian nih cun vawlei cungah cun minung sinah hin khua a sa taktak hnga maw? Zohhmanh, van le a sang bik van nih khin an in tlum lo; zeitindah hi keimah sakmi inn chinchin nih cun an tlum hnga!

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

HEBRU 6:20

Cuka ah cun kanmah aiawh in Jesuh kha kan hlanah a rak lut cang i Melkhizedek tlangbawi sining in zungzal Tlangbawi Ngan ah a cang.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

LAMKALTU 9:17

Cucaah Ananias cu a va kal i inn ah khan a va lut i Saul cungah cun a kut a va chuan. “Ka nau Saul, hika lei i na rat lio i na sinah a langmi Bawipa — Jesuh hrimhrim — nih khan keimah cu a ka fial. A ka fialnak cu nangmah nih khua na hmuh ṭhan i Thiang Thlarau in na khah nakhnga caah a si,” tiah a ti.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LUKA 24:51

Thluachuah a pek lio hna ah cun an sinin aa ṭhen i vancung ah a kal.

LUKA 24:49

Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in ṭhawnnak kha nan cung i a tlun hlantiang khuapi chung hin hngak ko u,” tiah a ti hna.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

MARKA 16:9

Jesuh cu thihnak in a thawh hnuah Zarhpi ni zingkate ah khan Mary Magdalin sinah khan a lang hmasa bik. Cu nu cu a chungin khuachia pasarih a chuahpiakmi nu kha a si.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

EZEKIEL 48:35

Khuapi velchum cu dong sang khat le thong riat a si lai i cu caan thawk in khuapi cu a min ah Bawipa Umnak Hmun ti a si lai.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

SALM 7:7

Mi vialte kha na velchum ah pumhter hna law annih cu cunglei khan run uk hna.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?