SALM 68:16 - Lai (Hakha) Common Language Bible 2006

¹⁶ Zeicahdah cu bantuk tlang ngan, tlang zum tampi a ngeimi tlang nih, Pathian nih umnak ah aa thimmi tlang cu na nihsawh? Cuka ah cun Pathian cu, zungzal in a um ko ṭung lai!

Laibaibal Thiang (BSI)

¹⁶ Tlângzim tampi hna, zeiruangahdah hnahchuahnâk mit in nan met len ko? Hihi Pathian umduhnâk tlâng a si; asi, BAWIPA cu cuka ah a um zungzal lai.

SALM 68:16 Խաչաձեւ Հղումներ

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

SALM 114:6

Tlang hna zeicahdah meheh bantukin nan i hlawh? Fing hna, zeicahdah tuu bantukin nan peh i nan choi?

SALM 114:4

Tlang cu meheh bantukin an i hlok i tuu bantukin an pet i an choi.

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.