SALM 68:14 - Lai (Hakha) Common Language Bible 2006

¹⁴ Lianngan Bik Pathian nih siangpahrang hna cu Zalmon Tlang ah a ṭhek dih hna tikah khika ah hawhra kha a surter.

Laibaibal Thiang (BSI)

¹⁴ A`hawngmi nih siangpahrang hna a ṭhek lio ah khan, Zalmon tlâng i a rângmi hawhra bantuk a si.

SALM 68:14 Խաչաձեւ Հղումներ

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

BIACEIHTU 9:48

Cun Abimelek cu a sin i a ummi vialte hna he tiah Zalmon Tlang ah an hung kai; cun Abimelek nih hreitlung pakhat aa put i chawlthep bur khat a sam i a tun i a liang ah aa chawnh. Cun a sin i a ummi hna kha, “Ka tuahmi nan hmuhmi hi khulrang tein ka tuah bantukin tuah ve u,” tiah a ti hna.

JEREMIAH 2:3

Cu lioah khan cun Israel cu Bawipa caah a rak thiang, A rawl ṭuanmi lak i theitlai hmasa bik a rak si. Amah a rak eitu vialte hna cu dantat loin a luatmi an um lo i Ṭhat lonak nih khan a tlunhnawh zungzal hna, tiah Bawipa nih a ti,” tiah a ti.

BIACEIHTU 2:7

Cun mi hna nih cun Joshua nunchung le Joshua hnuah a nungmi upa, Israel mi caah Bawipa nih rian ngan a tuahmi vialte a rak hmutu hna an nunchung ah cun Bawipa rian kha an ṭuan.

NAMBAR 21:3

Cun Bawipa nih Israel mi hna aw cu a ngaih i Kanaan mi hna cu an kut ah a pek hna; anmah le an khua hna cu an hrawh cikcek hna; cucaah cuka hmun cu Hormah tiah ti a si.