SALM 68:12 - Lai (Hakha) Common Language Bible 2006

¹² “Siangpahrang hna le an ralkap hna cu an zam cang,” an ti. Inn i a ummi nu hna nih khan, hranchaw an tlaihmi kha an rak i phaw;

Laibaibal Thiang (BSI)

¹² Siangpahrang ralkap kha an zâm i in hngaktu nu hna nih hranchaw an i phaw.

SALM 68:12 Խաչաձեւ Հղումներ

JOSHUA 10:16

Hi siangpahrang panga hna cu an zaam i Makkedah i lungkua ah an i thup

BIACEIHTU 5:19

“Siangpahrang an ra, an rak doh hna; Khi tikah Taanak ah, Megiddo ti pawngah, Kanaan siangpahrang cu an doh hna; Ngun hranchaw zeihmanh an hmu lo.

1 SAMUEL 30:24

Hi kongah hin cun aho nih dah nan bia an in ngaih hna lai? Zeitintiah raltuknak hmun i a vung kalmi nih a tin a co bantuk tein thil a rak hngakmi zong nih a tin a co ve lai; aa khatrep in an i ṭhenh cio awk a si,” tiah a ti.

BIAPHUAN 6:15

Cun vawlei cung siangpahrang hna le uktu hna le ralbawi hna le mirum hna le miṭhawng hna le midang vialte cu sal he a luatmi he, tlang cung lungkua le lungpi toiah an i thup dih.

BIACEIHTU 5:30

‘Hranchaw kha an hmu i an i phaw, a si lai lo maw? Pa pakhat caah nu pakhat maw pahnih cio dik; Sisera caah si in chumhmi puan hranchaw, Puan hranchaw si in chumh i tenhmi, Ka hngawng i i ngerh awkah, si in chumhmi puan tenhmi pahnih,’ a ti.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

NAMBAR 31:54

Cun Moses le tlangbawi Eleazar nih a thong pawl le a za pawl haotu hna sinin sui kha an lak i Bawipa hmai i Israel mi hngalh camcinnak caah tonnak thlam chungah an luhpi.

NAMBAR 31:27

Cun hranchaw cu raldohnak i a kalmi ralkap hna le aa pummi vialte hna caah cheu hnih ah nan cheu lai.

EXODUS 14:25

An rangleng ke cu a taapter hna i har lengmang fangfang in an kal kho, cucaah cun Izipt mi nih cun, “Israel mi hi zamtak hna u sih, Bawipa pei anmah lei ah a ṭang i kanmah a kan do ko hi,” an ti.