SALM 65:9 - Lai (Hakha) Common Language Bible 2006

⁹ Ram cu na dawt caah a cungah ruah na surter; na rumter i a vawlei na ṭhatter. A chung i na umtermi tiva cu an kao bal lo, cu tiva hna nih cun rawl a phunphun an chuahter — cucu nangmah tuahmi a si.

Laibaibal Thiang (BSI)

⁹ Vawlei hi na veh i ti toih in rumnâk in na thomh; Pathian tiva cu tiin a khat i theitlai na chuahter, zeitintiah cubantuk si dingin na timhlamhmi a si.

SALM 65:9 Խաչաձեւ Հղումներ

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

JEREMIAH 5:24

Annih nih an lungchung in, “Anmah caante cio ah fur ruah le ṭhal ruah kha a kan pe i Rawl ṭuannak caan pelh lo tein khuacaan a kan chiahpiaktu Bawipa kan Pathian kha ṭih u sih,” an ti lo.

RUTH 1:6

Cun a fapale nupi hna he khan tiah kir ṭhan awkah Moab ram khan aa thawh, zeitintiah Bawipa nih a mi kha a len cang hna i rawl a pek hna ti kha, Moab ram chung khan a theih.

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

SALM 147:14

Na ramri kha him tein a umter hna i changvut ṭha bikbik in na paw an khimter.

SALM 107:37

lo ah khan thlaici an tuh i mitsur ruang kha an phun hna i rawl tampi an vuiter.

SALM 65:11

Na ṭhatnak nih kum ṭha a vuiter. Na kalnak paoh ah rawl tampi a um.

LEVITIKAS 26:4

nan ruahpi cu an caan te ah kan pek hna lai i ram nih hin tirawl an chuahpiak hna lai i nan lo chung thing hna nih thei an tlai lai.

SALM 63:1

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

ISAIAH 41:5

“Lamhlatpi i a ummi rammi hna nih ka tuahmi kha an hmuh; an thin a phang i a ther in an ther. Cucaah an dihlak in hmunkhat ah an i pum.

DANIEL 4:2

Thluachuahnak vialte cu nan ta si ko seh. Cung Nung Bik Pathian nih ka caah a tuahmi hmelchunhnak hna le khuaruahharnak hna cu chim ṭhan ka duh hna:

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.