SALM 65:6 - Lai (Hakha) Common Language Bible 2006

⁶ Na ṭhawnnak in tlang pipi hna cu an umnak hmun ah khan na umter hna i a ṭhawngmi na lianhngannak cu na langhter.

Laibaibal Thiang (BSI)

⁶ Ṭhawnnâk in â thuam i ṭhawnnâk in tlâng a fehtertu na si.

SALM 65:6 Խաչաձեւ Հղումներ

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

MIKAH 6:2

Nannih tlang ngan pipi hna, zungzal in a hmunmi tung vawlei a dohtu hna, Bawipa bia hi thei tuah u; Zeicahtiah Bawipa nih a mi hna chalh awk bia a ngei i cu bia cu Israel he an i al lai.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

SALM 119:90

Zumhawktlak na sinak cu chan vialte tiangin a hmun, vawlei cu a umnak ah na chiah i cuka ah cun a um peng ko.

SALM 24:2

Rili cungah vawlei cu a dirter i a hram cu rili thuk chungah khan a bunh.

1 SAMUEL 2:4

A ṭhawngmi an likuk cu an kiak, Sihmanhsehlaw a derthawmmi nih thazang an i hruk.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.