SALM 65:3 - Lai (Hakha) Common Language Bible 2006

³ Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

Laibaibal Thiang (BSI)

³ Sualpalhnâk nih aka tei i nawlbuarnâk nih kan tei hmanhsehlaw nangmah nih ngaihthiamnâk nakan tuah piak.

SALM 65:3 Խաչաձեւ Հղումներ

SALM 38:4

Ka sualnak tilet chungah ka pil i ka sualnak cu an rih caah tangah an ka hnuh.

HEBRU 9:14

Cu hmanh nih cu bantukin a tuah khawh ahcun, Khrih thisen nih cun, zeitluk in dah a tuah khawh chinchin lai! Zungzal hmunmi Thlarau in a tlingmi raithawinak bantukin Pathian sinah amah le amah cu aa pe. Kannih nih Pathian nung kha kan biak khawh nakhnga santlai lomi rian kan tuah tawnmi kan chiaṭha thleidannak chung i a cammi kha a thi in a kan thianhpiak lai.

SALM 79:9

Na min upatnak ding caah kan bawm tuah, Maw Pathian kan Khamhtu; kan chuah law kan sualnak cu kan ngaithiam ko.

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

ISAIAH 6:7

Meiṭil cun ka hmur kha a ka tawngh i, “Meiṭil nih na hmur an tawngh cang, cucaah cun mawhchiat awk na sinak cu a lo cang i na sualnak cu ngaihthiam na si cang,” a ti.

SALM 40:12

Harnak tam tuk nih an ka dum — a rel in rel cawk an si lo. Ka sualnak nih a ka phak cang i khua ka hmu kho ti lo; ka lu cung sam nakin ka sualnak cu an tam deuh, ka lung ṭhawnnak a dih cang.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

ZEKHARIAH 13:1

Khi ni ah cun David tefa hna le Jerusalem khuami hna cu an sualnak le an thurnak vialte tlenghnak caah cerhti pakhat a put lai.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

2 SIANGPAHRANG 19:20

Cun Amoz fapa Isaiah nih Hezekiah sinah bia a cah i, “Hi bangin, Bawipa, Israel Pathian nih, ‘Assiria siangpahrang Sennakherib kong i na thlacamnak kha ka rak theih,’ a ti.

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

ISAIAH 66:23

Thla thar puai le Sabbath ni ah phun kip chungin Jerusalem i keimah biak awkah an ra lai,” tiah Bawipa nih a ti.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.