SALM 6:6 - Lai (Hakha) Common Language Bible 2006

⁶ Lungfahnak in ka baa tuk hringhran cang; zanfate ka ṭahnak ah ka ihkhun cu a cin dih i ka chantling cu ka mitthli nih a ciah.

Laibaibal Thiang (BSI)

⁶ Ka hrum ainâk ah ka ba dih cang; zankhuadei ka ihkhun ah ka ṭap i ka mitthli nih ka chantling a cinh dih.

SALM 6:6 Խաչաձեւ Հղումներ

SALM 69:3

Ka bawm tuah tiin ka aunak ah ka baa cang i ka or zong a fak dih cang; bawmhnak a ka pe lai maw tiin ka mithram cat in kan zoh.

SALM 42:3

Chun nitlak zan khuadei in ka ṭap i ka mitthli lawng kha ka rawl cu a si ko; ka ral nih, “Na Pathian cu khuazei ah dah a si kun?” tiah atu le atu an ka ti lengmang.

SALM 38:9

Bawipa, ka duhmi cu na hngalh; ka hramnak vialte cu na theih dih.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

ṬAHNAK HLA 1:2

Zan ah lunghno in a ṭap, A bel ah a mitthli a luang; Amah a dawtu hna lakah khan A hnemtu pakhat hmanh an um lo; A hawi vialte cu rawitu ah an cang dih i a ral ah an i cang dih.

JOB 23:2

“Nihin zong ka phunzainak cu a fak ko, Aihram loin ka um kho lo.

JOB 16:20

Pathian nih ka mitthli cu ka hmuhpiak seh law, Ka thlacamnak cu ka theihpiak ko seh.

JOB 7:3

Cu bantuk cun thla tampi rian pakpalawng ka ṭuan i Zanfate ngaihchiatnak kha ka hmu.

LUKA 7:38

Jesuh hnulei ah cun a kehram ah khan a dir, a ṭap i a mitthli in a ke kha a cinter. Cun a ke i a mitthli cu a sam khan a hnawh i a hnamh hna i zihmui kha a toih hna.

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

SALM 88:9

Kei cu thong ah ka tla i ka luat kho lo; harnak ka in ruangah ka mit zong a rawk dih. Bawipa, ni fate in kan auh i nangmah sinah thlacam in ka kut ka hler.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

JOB 10:1

“Ka nunnak hi ka fih; Ka phunzainak hi i sum hin loin ka chim ko lai; Lungfak hringhran in ka chim ko lai.

SALM 30:10

Maw Bawipa, Ka bia cu ka theihpiak law ka zaangfah tuah! Bawipa, ka bawm tuah!

SALM 88:11

A fekmi na dawtnak cu thlan chungah maw chim a si i zumhawktlak na sinak cu rawhralnak hmun ah cun dah chim a si?

SALM 115:17

Bawipa a thangṭhattu cu mithi an si lo, holh lo i dai tein umnak hmun ah a vung kalmi nih an thangṭhat kho lo,

ISAIAH 38:18

Mithi khuami nih cun ahohmanh nih an in thangṭhat kho lo, mithi nih cun zumhawktlak na si kha an i bochan kho lo.