SALM 6:2 - Lai (Hakha) Common Language Bible 2006

² ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,

Laibaibal Thiang (BSI)

² Maw BAWIPA, ka zângfah ko, zeitintiah ka thazâng a der; maw BAWIPA, ka damter ko, zeitintiah ka ruh hna hi a buai dih cang.

SALM 6:2 Խաչաձեւ Հղումներ

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

SALM 31:10

Ka nun chung kum hna cu ngaihchiatnak in a liam i hrum ainak in an khat, Harnak tam tuk ka inmi ruangah ka thazang cu a lo dih i ka ruh hna cu an rop thluahmah.

SALM 30:2

Bawipa, ka Pathian, nangmah sinah bawmhnak hal in ka au i na ka damter.

JEREMIAH 17:14

Ka damter law, Maw Bawipa, ṭha tein ka dam lai, Ka khamh law him tein ka um lai; Zeicahtiah ka thangṭhatmi cu nangmah na si.

SALM 51:8

Lunglawmhnak le thanuamnak aw thawng cu ka theihter law na ka khiah i na ka hrilh cang nain ka lung aa lawm ṭhan lai.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

SALM 38:7

Ka tak cu fak piin a lin i zual ngaiin ka zaw.

SALM 38:3

Na thin a hun caah ṭhalo tein ka zaw; ka sual ruangah ka pum cu a dihlak in a zaw.

SALM 32:3

Ka sualnak kha ka phuan hna lo tikah chun nitlak in ka ṭap.

GENESIS 20:17

Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho ṭhan.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

NAMBAR 12:13

Cun Moses nih Bawipa cu a auh i, “Maw Pathian, amah cu damter ko, tiah kan nawl,” tiah a ti.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

JOB 19:21

“Ka cungah zaangfahnak ngei tuah u, Ka cungah zaangfahnak ngei tuah u, maw nannih ka hawile hna, Zeicahtiah Pathian kut nih a ka tawngh cang.

SALM 38:2

Dan cu na ka tat cang i na ka hrem cang; na ka tuk cikcek cang.

JEREMIAH 10:24

Maw Bawipa, kan remh tuah, Sihmanhsehlaw dinnak in si seh, Na thinhun in cun si hlah seh, Zeicahtiah zeihmanhlo ah na kan canter sual hnga.