SALM 59:7 - Lai (Hakha) Common Language Bible 2006

⁷ An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

Laibaibal Thiang (BSI)

⁷ Asi, ankâ in chuak lakin an irh i anhmur hna cu a har ngaimi vainam bantuk a si i. “Ahonihdah a theih?” tiah an ti.

SALM 59:7 Խաչաձեւ Հղումներ

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

PHUNGTHLÛKBIA 15:2

Mifimpa lei nih hngalhnak kha a karhter, sihmanhsehlaw mihrut nih cun pakpalawng bia kha a chim.

SALM 10:11

Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

SALM 73:11

An i thawh i, “Pathian nih cun a hngal lai lo, Cungnung Bik nih cun a hmu lem lai lo,” an ti.

PHUNGTHLÛKBIA 15:28

Miṭha nih cun bialehnak an tuah hlanah an ruah hmasa, miṭhalo nih cun khulrang in an leh, sihmanhsehlaw an lehnak nih cun harnak a chuahter.

PHUNGTHLÛKBIA 12:18

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

SALM 10:13

Zeitindah miṭhalo hna nih cun Pathian cu zeirello in an um khawh lai i? “Dan a kan tat bal lai lo,” an ti khawh lai?

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

JEREMIAH 33:24

“Israel le Judah, ka thimmi innchungkhar pahnih hna hi Bawipa nih a hlawt cang hna, tiah mi nih an ka timi hi na ngia maw? Cucaah ka mi hna cu an nehsawh hna i miphun ah an rel ti hna lo.

SALM 94:4

Zei can dah ṭhat lonak a tuahtu pawl hi ruamkai in an um rih lai i sualnak an tuahmi kha an i porhlawt rih lai?

ṬAHNAK HLA 3:62

Ka ral hna nih chun nitlak in an ka congoihnak le an ka thangchiatnak cu, na theih.