SALM 56:9 - Lai (Hakha) Common Language Bible 2006

⁹ Nangmah kan auh ni ah ka ral cu an kir lai, mah hi fiang tein ka hngalh — Pathian cu keimah leiah a um.

Laibaibal Thiang (BSI)

⁹ Nangmah kan auh tikah, ka ral an zâm dih lai; Pathian cu kata a si caah, cucu ka hngalh.

SALM 56:9 Խաչաձեւ Հղումներ

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

SALM 118:6

Bawipa cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?

SALM 102:2

Harnak ka in tikah hin ka thuhtak hlah! Ka aunak cu ka ngaihpiak law khulrang in ka let tuah.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

SALM 9:3

Nangmah na langh tikah ka ral cu an i let, an tlu i an thi.

JOHAN 18:6

Jesuh nih, “Amah cu keimah hi ka si,” tiah a ti hna tikah khan, hnulei ah an i tawn i vawlei ah an tlu.

SALM 27:2

Miṭhalo nih an ka doh i thah an ka zalh tikah, an ril tawn i an tlu tawn.

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.