SALM 56:8 - Lai (Hakha) Common Language Bible 2006

⁸ Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na ṭial hna a si lo mei?

Laibaibal Thiang (BSI)

⁸ Ka vahvaihnâk na rel dih hna i ka mitthli hna hi na thol chungah na khumh dih hna, na cauk ah an um a si lo mei?

SALM 56:8 Խաչաձեւ Հղումներ

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

SALM 39:12

Bawipa, ka thlacamnak cu ka theihpiak tuah, kan nawlnak cu ka ngaihpiak ko; nangmah kan auh tikah dai tein ka umtak hlah. Ka pupa vialte hna bantukin, kei cu caan tawite chung lawng na khualpa cu ka si ko.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

SALM 139:16

Ka chuah hlan in na rak ka hmuh diam cang. Ka ca i na sermi ni hna cu na cauk chungah an rak i khumh diam cang, hram an i thawk hlan hmanh khan an i ṭial diam cang.

MATTHAI 10:30

Nannih chinchin cu nan lu cung sam hmanh kha a rel dih.

SALM 121:8

Atu in zungzal tiang, na chuahlei siseh, na luhlei siseh, an zohkhenh zungzal lai.

HEBRU 11:13

Hi mi vialte hna hi zumhnak ngei in an thi. Pathian nih a kamhmi hna cu an hmu lo, sihmanhsehlaw lamhlatpi in an rak hmuh i an rak i lawm i vawlei cungah hin khual le a vakvai menmi kan si, an rak ti.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

JOB 16:20

Pathian nih ka mitthli cu ka hmuhpiak seh law, Ka thlacamnak cu ka theihpiak ko seh.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.

HEBRU 11:38

Vawlei hi an caah umnak ah a ṭha theng lem lo. Ralzam bantukin ramlak le tlang ah an zam i vawlei tang lungkua le khor ah khua an sa.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.

1 SAMUEL 19:18

Cun David cu a zam i a luat i Ramah ah Samuel sinah a ra i Saul nih a cung i a tuahmi vialte kha a chimh dih. Cun amah le Samuel cu an kal i Naioth ah an um.

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

2 KORIN 11:26

Ka khualtlawnnak ah hin voi tampi tilian ṭihnung ka ton, mifir ṭihnung ka ton hna, ka phunhawi Judah mi hna sinin le Jentail mi hna sinin harnak ka hmuh, khuapi chungah khuapi chung ummi thil ṭihnung ka ton hna, ramlak ah ramlak i a ummi thil ṭihnung ka ton hna, rili cungah rili cung i a ummi thil ṭihnung ka ton hna i ka hawikom taktak a rak si lo, mi hlennak kha ka huah tawn.

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.