SALM 56:7 - Lai (Hakha) Common Language Bible 2006

⁷ An ṭhat lo ruangah cun, Maw Pathian, dantat ko hna; hi mi hna hi na thinhun in raltuknak ah cun, sunghter ko hna.

Laibaibal Thiang (BSI)

⁷ An sual hremnâk in an luat lai maw? Maw Pathian, thinhung in annih cu ṭhawl dih hna.

SALM 56:7 Խաչաձեւ Հղումներ

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

JEREMIAH 10:25

Nangmah an hngal duh lomi miphun hna cungah le Na min an au lomi miphun hna cungah, na thinhunnak cu bung tuah; Zeicahtiah Jakob cu an ei cang i an lim cang, A inn cu an hrawh cikcek cang.

JEREMIAH 7:10

Cun ka sinah nan ra i ka min in kawhmi hi inn chungah hin keimah hmaiah nan dir i, ‘Kan him ko,’ nan ti, hi thil fihnung vialte hna tuah awkah hin kan him ko, tiah nan ruah.

ISAIAH 28:15

Thihnak he hnatlaknak kan tuah cang i mithi khua he biakamnak kan tuah cang tiah nan i porhlaw. Lih le hlennak nih an kan huhphenh khawh lai tiah nan i bochan hna caah harnak a tlun tikah kan luat lai tiah nan i ruat.

PHUNGCHIMTU 8:8

Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.

SALM 55:15

Ka ral hna cungah cun thihnak kha khulrang in tlung seh law mithi khua ah khan a nung in vung kal hna seh. An inn chung le an lung chungah ṭhat lonak a um.

SALM 55:9

Bawipa, annih cu hrawk hna law an biachimmi cu tuainak ah canter; khuapi chungah ka hmuhmi thil cu zaang-ennak le i tuainak a si.

SALM 36:12

Miṭhalo an rilhnak kha zohhmanh! Khika ah khin an ril, an tho kho ti lo.

SALM 37:32

Miṭhalo nih cun miṭha kha aa ngiat aa ngiat i thah a zalh;

SALM 59:4

Ṭhat lonak le sualnak ka tuah ruangah si loin ka sual ca le ka palh ca zongah si loin, Maw Bawipa, an ka bawhnak hmun ah khan khulrang in an va tli.