SALM 53:2 - Lai (Hakha) Common Language Bible 2006

² Pathian nih vancung khin minung kha, Aho tal a fim i Pathian a kawlmi an um hnga maw tiin a run zoh.

Laibaibal Thiang (BSI)

² Hngalhthiamnâk ngeiin Pathian kawlmi an um hnga maw tiin Pathian nih van in minung fale hna hi a zoh hna,

SALM 53:2 Խաչաձեւ Հղումներ

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

SALM 27:8

“Ka sinah ra tuah,” tiah na ti. Bawipa, na sinah ka ra lai;

2 CHANRELNAK 19:3

Asinain, Asherah hna cu ram chungin na hloh hna i Pathian kawl kha na lung in naa sehchih caah nangmah chungah ṭhatnak tlawmpal cu hmuh a si,” tiah a ti.

JEREMIAH 16:17

Zeicahtiah ka mit nih an lam cu a hmuh dih ko hna i ka sin in an i thup lo, an ṭhat lonak zong hmu loin ka um lo.

SALM 102:19

Bawipa nih a sangmi a hmunthiang khin a run cuanh, vancung khin vawlei cu a run cuanh,

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.