SALM 52:3 - Lai (Hakha) Common Language Bible 2006

³ Ṭhat lonak kha ṭhatnak nakin na duh deuh i biatak chim nakin lih chim kha na duh deuh.

Laibaibal Thiang (BSI)

³ Ṭhatnâk nâkin ṭhatlonâk kha na dawt deuh i dinnâk nâkin lih chim kha na duh deuh. (Selah)

SALM 52:3 Խաչաձեւ Հղումներ

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

2TIMOTE 3:4

hawi rawi a hmangmi an si lai, duhpaoh khuasa an si lai i porhlawtnak in an khat lai; Pathian nakin nuamhnak kha an duh deuh lai;

ROM 1:25

Pathian kong i biatak kha lih ah an thlen; Sertu kha bia loin sermi thil tu kha an biak hna, Sertu cu pei zungzal in thangṭhat awk a simi cu a si cu! Amen.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

MIKAH 3:2

Sihmanhsehlaw ṭhatnak kha nan huat i ṭhat lonak kha nan duh; Mi kha a nung in an cuar nan hawh hna i an ruh i aa benhmi tit kha nan khoih;

JEREMIAH 9:8

An lei cu thihnak cantiang a si, an kaa nih hlennak bia a chim; I rem ngaiin an i chawn cio. Sihmanhsehlaw an lung chung cun pakhat le pakhat i foihnak ding khua kha an khang cio.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

SALM 62:4

Nan duhmi cu upatnak hmun i a ṭhutnak khan ṭhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

PHUNGTHLÛKBIA 21:10

Miṭhalo nih cun ṭhat lonak kha a duh zungzal ko, A innpa cungah zaangfahnak a ngei lo.