SALM 52:2 - Lai (Hakha) Common Language Bible 2006

² Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

Laibaibal Thiang (BSI)

² Na lei cu rawhralnâk lawng a ruat i sammehnâk namte bangin, hlennâk lawng a tuah.

SALM 52:2 Խաչաձեւ Հղումներ

PHUNGTHLÛKBIA 18:21

Lei nih hin thah khawhnak le nunh khawhnak ṭhawnnak a ngei, cucaah na bia chimmi theitlai cu na co a herh lai.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

PHUNGTHLÛKBIA 12:18

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

2 KORIN 11:13

Cu hna cu lamkaltu taktak an si lo — annih cu a deu an si, an rian ṭuannak kongah khan lih an chim i Khrih lamkaltu taktak an i lawhter.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

LAMKALTU 24:1

Ni nga hnuah Tlangbawi Ngan Ananias cu upa tlawmpal le sihni Tertullas he Sisaria ah khan an kal. Mangki bawi Feliks hmaiah khan an chuak i Paul sual an phawtnak bia cu an chim.

MATTHAI 26:59

Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl,

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

PHUNGTHLÛKBIA 30:14

Sifakmi kha ṭam dih awkah le chambaumi kha ei dih awkah, a ha vainam a si i a khabe ah kawngthun aa bunhmi an um.

SALM 120:2

Maw Bawipa, lihchim hmangmi hna le hlen hmangmi hna sin hin ka khamh ko.

SALM 109:2

Miṭhalo le milihchim pawl nih an ka tlakphuat i lih in ka thang an ka chiat.

SALM 50:19

Ṭhat lonak bia chim kha nan i tim zungzal i lihchim kha a sum in nan i sum lo.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

1 SAMUEL 22:9

Cu tikah Edom mi Doeg, Saul sinum hna pawng i a dirmi nih khan a hun leh i, “Jesse fapa cu Nob ah, Ahitub fapa Ahimelek sinah a rat kha ka hmuh i,