SALM 51:19 - Lai (Hakha) Common Language Bible 2006

¹⁹ Khi tikah ahmaanmi raithawinak le khangh thawinak hna ah cun naa lawm lai i na biakṭheng cungah cawtum cu an thawi hna lai.

Laibaibal Thiang (BSI)

¹⁹ Cuticun dinnâk raithawinâk le, khanghthawinâk le pum khanghthawinâk ah nâ lawm lai i na biakṭheng cungah cawtum kha an pêkchanh cang lai.

SALM 51:19 Խաչաձեւ Հղումներ

SALM 4:5

Bawipa cu a hmaanmi raithawinak kha pe u law amah cu i bochan tuah u.

MALAKHI 3:3

Levi mi kha a thianh hna lai i ngun le sui an ṭawl hna bantukin a ṭawl hna lai i cucaah Bawipa sin i laksawng a rak putu dingah khan an i tlak lai.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

SALM 118:27

Bawipa cu Pathian a si; kan cungah a ṭha. Nan kut in thing nge kha i put in puai cu thawk u law biakṭheng kha vel u.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

SALM 34:19

Miṭha nih harnak tampi a in tawn, sihmanhsehlaw harnak a inmi chung khan Bawipa nih a khamh;

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 66:2

Van le vawlei hi keimah nih ka ser dih hna. Mi toiah aa dor i an sualnak aa ngaihchih i a ka ṭih i ka nawl a ngaimi cu an cungah ka lung aa lawm.