SALM 51:1 - Lai (Hakha) Common Language Bible 2006

¹ Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

Laibaibal Thiang (BSI)

¹ Maw Pathian, na duhdawtnâk bangin ka zângfah law, a tammi le â dawhmi na velngeihnâk thawngin ka nawlbuarnâk kha ka hnawhpiak ko hna.

SALM 51:1 Խաչաձեւ Հղումներ

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

SALM 51:9

Ka sualnak cu na mit chinhkanh ko hna law ka ṭhat lonak vialte cu ka hnawhpiak dih ko hna.

KOLOSE 2:14

Kan leiba ṭialnak ca cu a chung i a ummi upadi vialte hna he khan a hrawh dih cang i vailamtahnak cung i a khenhchihnak thawng khan kanmah dawntu si ti lo dingin a hlonh.

SALM 69:16

Maw Bawipa, a fekmi na dawtnak ṭhatnak thawngin ka thlacamnak cu ka let law, zawnruahnak ngan na ngeihmi thawngin keimah leiah i mer ko.

2 SAMUEL 11:2

Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

SALM 4:1

Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

SALM 119:124

A fekmi na dawtnak ningin ka cungah ṭuan law na nawlbia cu hung ka cawnpiak ko hna.

SALM 109:21

Sihmanhsehlaw Maw Bawipa ka Pathian, bia na ka kamh bang khan ka bawm ko, na dawtnak a ṭhat ruangah ka chuahter ko.

SALM 40:11

Bawipa, ka cungah na zaangfahnak a dong lai lo ti kha ka hngalh. Na dawtnak le zumhawktlak na sinak nih him tein an ka umter zungzal lai.

SALM 5:7

Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho.

SALM 106:7

Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

SALM 69:13

Asinain kei cu na sinah thla ka cam ko lai, Maw Bawipa; a nganmi na dawtnak ruangah ka let law, kan khamh lai tiah na ka kammi ruangah ka let ko sawh, na duh tik caan ah nangmah nih ka let ko, Maw Pathian.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 63:7

Bawipa dawtnak fek cu ka chim lai, kan ca i a tuahmi thil ruangah ka thangṭhat lai. Israel mi cu thluachuahnak tam piin a pek hna i cu a pek hna cu a zaangfah hna ca le a dawtnak a feh caah a si.

SALM 145:9

Aho cung paoh ah a ṭha i a sermi hna an dihlak cungah zaangfahnak a ngei.

SALM 77:9

Pathian nih hin minung cung i zaangfahnak ngeih kha a philh ko hnga maw? Minung cung i zawnruahnak a ngeih tawnmi kha a thinhunnak nih dahra a hloh dih?” ka ti.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

NEHEMIAH 4:5

Annih nih khua remhtu hna cu lang hngan in an thin an phawh hna caah an mawhnak cu khuhpiak hna hlah law an sualnak cu cazin chungin hlohpiak hna hlah.

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.