SALM 45:16 - Lai (Hakha) Common Language Bible 2006

¹⁶ Ka siangpahrang bawipa, nangmah nih fapa tampi na ngeih hna lai i na pupa hna cu an hmun an rolh hna lai; nangmah nih vawlei dihlak uktu ah khan na ser hna lai.

Laibaibal Thiang (BSI)

¹⁶ Napa le aiah na fale an um lai i annih cu leicung vialte siangpahrang ah na ser hna lai.

SALM 45:16 Խաչաձեւ Հղումներ

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

SALM 22:30

Hmailei chan mi nih a rian an ṭuan lai; a ra lai ding chan sinah Bawipa kong cu mi nih an chim lai.

MATTHAI 19:29

Cun keimah ruangah a inn siseh, a lo siseh, a u siseh, a nau siseh, a farle si hna seh, a pa siseh, a nu siseh, a fale si hna seh, a kaltakmi hna cu a let za khat in a hmuh ṭhan lai i zungzal nunnak kha pek a si lai.