SALM 40:8 - Lai (Hakha) Common Language Bible 2006

⁸ Ka Pathian, zeitluk in dah na duhnak tuah cu ka duh! Na cawnpiaknak cu ka lung chungah kaa chiah hna,” tiah kan leh.

Laibaibal Thiang (BSI)

⁸ Maw, ka Pathian, na duhnâk tuah hi kâ lomhnâk a si. Na nawlbia zong ka lungchung ah a um.”

SALM 40:8 Խաչաձեւ Հղումներ

ROM 7:22

Ka chunglei mi cu Pathian phung ah khan aa lawm;

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

SALM 119:16

Na nawlbia cu kaa lawmhnak an si, na phunglam cu ka philh hna lai lo.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

SALM 119:24

Na ka cawnpiaknak nih lawmhnak a ka pek; fim a ka chimtu a si.

SALM 119:47

Na nawlbia cu ka duh hna caah na nawlbia zulh cu ka caah a nuam.

SALM 119:92

Na nawlbia hi kaa lawmhnak hram rak si hlah seh law, ka dantatnak inmi ah hin ka thi diam cang hnga.

SALM 112:1

Bawipa cu thangṭhat u! Bawipa a ṭihmi cu mi lunglawm an si. A nawlbia zulh a nuam in a theimi cu mi lunglawm an si.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

PHUNGTHLÛKBIA 3:1

Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh;

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

JOB 23:12

A hmur in a chuakmi nawlbia kha zeirello in ka um hna lo i Ka lung chungah a kaa chuak bia kha ka khon hna.

ROM 8:29

Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.