SALM 4:7 - Lai (Hakha) Common Language Bible 2006

⁷ Nangmah nih lawmhnak na ka pekmi cu, din awk zu tampi a ngeimi le ei awk rawl tampi a ngeimi hna an i lawmhnak nakin a ngan deuh.

Laibaibal Thiang (BSI)

⁷ Facang le misur thar an hmuh i an i lomhnâk nâkin a ngan deuhmi lomhnâk ka lungthin ah na chiah.

SALM 4:7 Խաչաձեւ Հղումներ

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

SALM 37:4

Bawipa kha i bochan u law nan lungthli tum kha an pek hna lai.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

SOLOMON HLA 1:4

Zaṭial kut in ka hruai law kal hawl si, Mangbawi phunsang na suan run remh dal, chungchin ah ka luhpi ai law. Nang hnen ah cun kan meremte le lungriam in, Na vel ṭha cu mitsur hang nakin hei thangṭhat deuh sih, Ai! nang cu leng duhran cem na si.

SALM 92:4

Bawipa, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.

JEREMIAH 48:33

Thei tampi a tlai tawnmi Moab ram khan Lunglawmhnak le thanuamnak kha lak an si cang; Mitsur hang nennak hmun in mitsur hang cu ka donghter cang; Lawmhnak aw thawng he a neng tawnmi kha an um ti lo, Lawmhnak au thawng zeihmanh a leng ti lo.

BIACEIHTU 9:27

Cun lo ah khan an kal i an mitsur dum chung i mitsur tlai kha an pumh hna i an nen hna i puai an tuah i an Pathian inn chungah khan an lut i, an ei an ding i Abimelek kha an zawmhtaih.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

NAMBAR 6:25

Bawipa nih nan cungah a hmai tlanter seh law, vel in ngeih ko hna seh;

SALM 31:17

Maw Bawipa, nangmah kha kan auh; ka sunghter sawh hlah! Miṭhalo cu sung hna seh, mithikhua ah dai tein um hna seh.

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

SALM 80:4

Maw Lianngan Bik Bawipa Pathian, zeitik tiang dah na mi hna kan thlacamnak hi let duh loin na kan um lai?