SALM 39:5 - Lai (Hakha) Common Language Bible 2006

⁵ Ka nunnak hi zabok can men ah na ser! Nang na mit ah cun ka nun chung hi zei karlote bantuk a si ko. Minung hi voi khat thaw chem tluk men an si dih taktak ko;

Laibaibal Thiang (BSI)

⁵ Asi, ka nunchung cân hi kutphah can lawng in na ser i ka kum hna hi na hmaiah zeihmanhlo an si; mikip hi an ṭhat lio bik dirhmun zong minmei an si taktak ko. (Selah)

SALM 39:5 Խաչաձեւ Հղումներ

SALM 144:4

Minung cu thaw bantuk men a si ko, a nun chung ni hna cu a liam zaumi thladem bantuk men an si ko.

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

PHUNGCHIMTU 2:11

Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh ṭhathnemnak a um lo.

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.

SALM 39:11

Minung cu a sualnak kha dantat awkah na sik tikah. a iang vialte kha a lo dih, minung hi thaw menmen a si taktak ko. Selah

JOB 7:6

Ka ni hna cu thiamtaktu thiampheifung nakin an khul a rang deuh i An donghnak cu ruahchannak zeihmanhlo he an phan.

ISAIAH 40:17

Miphun hna hi Bawipa caah cun zeihmanh an si lo.

PHUNGCHIMTU 1:2

Pakpalawng lawngte, pakpalawng lawngte! Zeizong vialte hi pakpalawng an si ko, tiah Phungchimtu nih a ti.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

2 PETER 3:8

Sihmanhsehlaw ka dawtmi ka hawile hna, hi bia hi philh hlah u. Pathian caah cun ni khat hi kum thong khat bantuk a si i kum thong khat hi ni khat bantuk a si.

2 SAMUEL 19:34

Sihmanhsehlaw Barzillai nih siangpahrang cu, “Kum zeizat hen dah nun awk kaa bat rih i siangpahrang sinah Jerusalem ah ka hei kal hnga cu?

SALM 90:12

Kan nunnak hi zeitluk in dah a tawi ti kha kan hngalhter law cuticun kan fim deuh lai.